Nurlan Beknazarov bir palataly Parlamentke ótýge baılanysty qoldanystaǵy Konstıtýsııanyń «Parlament» bóliminiń birqatar baptaryna onyń qurylýy, saılanýy, quzireti, ókilettigi, zań qabyldaý prosesteri men quramyna qatysty mańyzdy ózgerister engizý kózdelgenin jetkizdi. Aıtýynsha, birqatar baptardyń kúshi tutastaı alynyp tastalady.
«Jobaǵa sáıkes, Quryltaı – memlekettiń zań shyǵarý bıligin júzege asyratyn eń joǵary ókildi organy bolyp sanalady. Quryltaıdyń ókilettigi onyń birinshi sessııasy ashylǵan kezden bastalady jáne jańadan saılanǵan Quryltaıdyń birinshi sessııasynyń jumysy bastalǵan kezde aıaqtalady. Quryltaıdyń uıymdastyrylýy men qyzmeti, onyń depýtattarynyń quqyqtyq jaǵdaıy Konstıtýsııalyq zańda aıqyndalady», dedi ol.
Konstıtýsııalyq reforma jónindegi komıssııa otyrysy ótip jatyr
Quryltaı konstıtýsııalyq zańda belgilengen tártippen birtutas jalpyulttyq saılaý okrýginiń aýmaǵy boıynsha proporsıonaldy ókildik etý júıesimen saılanatyn 145 depýtattan jasaqtalady. Depýtattardyń ókilettik merzimin bes jyl etip belgileý usynylǵan.
Erlan Qarın: Konstıtýsııalyq komıssııanyń qurylýy tarıhı oqıǵa
Sonymen birge Komıssııa otyrysynda Quryltaı depýtattaryn saılaý merzimderi men daýys berý tártibi, Quryltaı Tóraǵasyn saılaý, úmitkerlerge qoıylatyn talaptar men tyıymdar talqylandy.
Ádilet mınıstri Konstıtýsııaǵa qandaı ózgerister engiziletinin aıtty
Sondaı-aq Prezıdent jańa reformalar aıasynda qoǵamymyzdyń eleýli damýyna, eldiń yntymaq-birligin nyǵaıtýǵa yqpal etetin qoǵamdyq-saıası birlestikter men belsendilerdi biriktiretin jańa joǵary konsýltatıvtik organ – Qazaqstan Halyq keńesin qurýdy usynǵan edi. Depýtat Ata zańǵa Halyq Keńesiniń ókildigine, quziretine, qatysty jeke bólimniń engizilýi konsýltatıvtik organnyń mańyzdylyǵyn aıqyndaıtynyn jetkizdi.
«Halyq Keńesi – Qazaqstan halqynyń múddesin bildiretin joǵary konsýltatıvtik organ bolyp belgilenedi jáne onyń quramy el azamattarynan jasaqtalady. Halyq Keńesin qurý tártibi jáne onyń quramy, ókilettigi men qyzmetin uıymdastyrý máselelerin aıqyndaıtyn zańǵa Konstıtýsııalyq mártebe berilgenin erekshe atap ótý qajet», dedi Nurlan Beknazarov
