foto: Qaraǵandy oblysy ákimdigi
Ol atalǵan máselege asyǵys baǵa berip, jedel qorytyndy jasaýǵa bolmaıtynyn aıtty. Ákimniń aıtýynsha, bolǵan jaǵdaıǵa tıisti quqyqtyq baǵa tekserý men tergeý aıaqtalǵannan keıin beriledi.
«Tártip buzýshylyq bar, jáne ol úshin jaýapkershilik te bolýy tıis. Sonymen qatar zań talaptaryna qatań sáıkes, úzdiksiz atqarylýy qajet jumys bar. Bul jóninde biz buǵan deıin de ashyq málimdegenbiz jáne taǵy da qaıtalap ótemin: atalǵan jaǵdaı boıynsha Memlekettik qyzmet isteri agenttiginiń departamenti tekserý júrgizedi, sondaı-aq basqarmanyń qyzmetine keshendi aýdıt jasalady. Qazirgi ýaqytta oqıǵa faktisi boıynsha tergeý júrip jatyr, árbir áreketke quqyqtyq baǵa beriledi», dedi oblys ákimi apparattyq keńes barysynda.
Oblys ákimi barlyq memlekettik qyzmetshilerdiń zań talaptary men qyzmettik ádep normalaryn qatań saqtaýy qajettigine toqtaldy.
«Qoǵamdaǵy kez kelgen kelispeýshilik pen jumys barysyndaǵy daýly máseleler tek quqyqtyq alańda sheshilýi tıis. Árbir basshy ujymdaǵy tártipke, zańnyń saqtalýyna jáne memlekettik organnyń bedeline jeke jaýap beredi. Muny barshańyz esten shyǵarmaýlaryńyz qajet», dep túıindedi Ermaǵanbet Bólekpaev.
Serik Sápıev orynbasarymen tóbelesti degen jaǵdaıǵa baılanysty pikir bildirdi
