Foto: Májilistiń baspasóz qyzmeti
Depýtattyń aıtýynsha, qazirgi qoǵamdaǵy qoǵamdyq dıalog alańdary keıde jalpyulttyq múddeni tolyq qamtamasyz ete almaı otyr. Sol sebepti Konstıtýsııada Halyq keńesin bekitý – obektıvti qajettilik. Bul qurylym azamattardyń zań shyǵarý úderisine júıeli ári tikeleı qatysýyna múmkindik beredi.
«Búgingi qoǵam – belsendi jáne talapshyl. Endi shashyrandy dıalog alańdary, túrli qoǵamdyq platformalar keı jaǵdaıda tutas jalpyulttyq múdde men talqylaýdy qamtamasyz ete almaıdy. Sondyqtan usynylǵan Halyq keńesi – formaldi jańalyq emes, obektıvti qajettilik», dedi Maksım Rojın.
Sonymen qatar depýtat Halyq keńesiniń quramyna etnostardyń, óńirlerdiń jáne qoǵamdyq uıymdardyń ókilderi kiretinin atap ótti. Bul keńesti memleket pen qoǵam arasyndaǵy altyn kópirge aınaldyryp, ulttyq birlikti naqty ispen qamtamasyz etýge jol ashady. Maksım Rojınniń paıymdaýynsha, keńes zań jobalary, ishki saıasat jáne referendým ótkizý máseleleri boıynsha usynys jasaý quqyǵyn ıelenip, ulttyq jáne álemdik tájirıbede tıimdiligin dáleldegen ozyq modelge aınalady.
Isıdor Borchashvılı: Konstıtýsııalyq reforma – quqyqtyq birlik pen adamǵa baǵdarlanǵan tańdaý
Baıandamasynda depýtat bılik tarmaqtarynyń jaýapkershiligin kúsheıtýge baǵyttalǵan túzetýlerge de toqtaldy. Usynylǵan ózgerister «Kúshti Prezıdent – Yqpaldy Parlament – Esep beretin Úkimet» qaǵıdatyn naqty mazmunmen tolyqtyrady.
Qorytyndylaı kele, Maksım Rojın usynylyp otyrǵan konstıtýsııalyq túzetýler memlekettilikti evolıýsııalyq jolmen nyǵaıtyp, qoǵam men bılik arasyndaǵy tıimdi baılanysty qamtamasyz etetinin aıtyp, komıssııa múshelerin bul bastamalardy qoldaýǵa shaqyrdy.
Gúlzıra Atabaeva: Zaıyrly bilim – jas urpaqtyń erkin damýynyń kepili
