Jańa kelisimshartqa saı Temirlan Anarbekov pen Sherhan Qalmyrza 2028 jyldyń 30 qarashasyna deıin «Qaırat» qaqpasyn qorǵaıdy.
Temirlan Anarbekov UEFA Chempıondar lıgasynyń jalpy kezeńinde sátti óner kórsetip jatyr. Ol Chempıondar lıgasynyń altynshy týrynan keıingi statıstıka boıynsha eń joǵary reıtıngke ıe bolǵan fýtbolshylardyń tiziminde kósh bastady.
Sondaı-aq Temirlan Anarbekov «Qaırat» – «Olımpıakos» matchynda úzdik oıynshy atandy.
Aıta keteıik, «Qaırat» UEFA Chempıondar lıgasy aıasyndaǵy sońǵy matchyn 28 qańtar kúni Anglııanyń áıgili «Arsenal» komandasyna qarsy ótkizedi. Londanda ótetin matchqa «Qaırat» 25 qańtar kúni attandy. Atalǵan quramalar arasyndaǵy kezdesý Qazaqstan ýaqytymen 29 qańtarǵa qaraǵan túni saǵat 1:00-de bastalady.
Eske salaıyq, jaqynda «Qaırat» sapyna eki jańa oıynshy qosylyp, argentınalyq jartylaı qorǵaýshy Sebastıan Sebalos jáne brazılııalyq qorǵaýshy Lýkas Afrıkomen kelisimshartqa qol qoıdy.
Al Chempıondar lıgasy aıasynda óz alańymyzda soǵylǵan jalǵyz goldyń avtory Ádilet Sadybekov «Aqtóbege» aýysady.
