Premer-mınıstrdiń aıtýynsha, sheteldik týrıst el tańdamas buryn ashyq derekkózderdegi, ásirese ınternet pen áleýmettik jelilerdegi aqparatqa súıenedi. Alaıda sońǵy tórt jylda Qazaqstandy shetelde ilgeriletý quraldary jańartylmaǵan. Kóp jaǵdaıda eskirgen málimetter qoldanylyp, mádenı, etnografııalyq jáne basqa da mazmun jetkilikti qamtylmaı otyr.
Elimizde týrızmge salynǵan ınvestısııa kólemi 1,2 trln teńgeden asty
Osyǵan baılanysty Týrızm mınıstrligine Mádenıet mınıstrligi, Kazakh Tourism jáne óńir ákimdikterimen birlesip, Qazaqstanda ótetin barlyq mádenı, sporttyq jáne ózge de buqaralyq is-sharalardy eskere otyryp, 2026 jylǵa arnalǵan egjeı-tegjeıli jumys josparyn bir aı ishinde ázirleý tapsyryldy.
Otyrysta ulttyq parkter men qoryqtar aýmaǵyndaǵy kásipkerlik qyzmet máselesi de kóterildi. Qazirgi tańda otandyq kásipkerlerdiń bul aýmaqtarǵa kirýi birqatar ákimshilik kedergilerge tirelip otyr. Premer-mınıstr tabıǵatty qorǵaý men týrızmdi damytýdyń tepe-teńdigin saqtaýdyń mańyzyn atap ótti.
«О́simdikter men janýarlar dúnıesiniń saqtalýyn qamtamasyz ete otyryp, týrıstik ınfraqurylymdy ornyqty damytý jáne kórsetiletin qyzmetter sapasyn arttyrý maqsatynda kásipkerlerdiń ulttyq parkter men qoryqtarǵa, rezervattar aýmaqtaryna retteý arqyly kirý tetikteri boıynsha halyqaralyq tájirıbeni zerdelep, usynystar engizý qajet. Ekologııa mınıstrligi kásipkerler palatasymen birlesip, tıisti zańnamalyq túzetýlerdi ázirleýi tıis», dedi Oljas Bektenov.
Sondaı-aq bıznes ókilderiniń sý aıdyndary jaǵalaýyndaǵy qorǵaý aımaqtaryna qatysty shekteýlerge baılanysty ınvestısııalyq jobalardy júzege asyrýda qıyndyqtarǵa tap bolyp otyrǵany aıtyldy. Keı jaǵdaıda akvapark sııaqty týrıstik nysandarǵa qajetti ınfraqurylymdy tartý múmkin bolmaı otyr. Premer-mınıstr bul máselede ekologııa talaptaryn saqtaı otyryp, barlyq tarapqa tıimdi sheshim tabý qajet ekenin atap ótti.
Osy baǵytta Sý resýrstary mınıstrligine ozyq halyqaralyq tájirıbeni zerttep, zańnamaǵa tıisti ózgerister ázirleý tapsyryldy.
Qazaqstan – Amazon Prime men Euronews nazarynda: Týrıstik týrlar sany 3 ese artty
Týrızm salasyndaǵy atalǵan tapsyrmalardyń oryndalýyn jalpy úılestirý Premer-mınıstrdiń orynbasary – Mádenıet jáne aqparat mınıstri Aıda Balaevaǵa júkteldi.
