Komandalyq saıysta olar daıyndyqtarynyń joǵary ekenin pash etip, tehnıkalyq biliktiligi men uıymshyl komandalyq jumysty kórsete aldy. Baıqaýǵa usynylǵan robotty jobalaý jáne baǵdarlamalaý jumystaryna bar bolǵany úsh kún ýaqyt jumsaldy. Osy qysqa merzim ishinde oqýshylar ózderine bólingen mindetterdi tıimdi bólisip, bir-birimen tyǵyz yntymaqtastyqta jumys istep, týyndaǵan tehnıkalyq máselelerdi jedel sheship otyrdy. Bul olardyń komandalyq jumysqa beıimdiligin aıqyn kórsetti.
SQO-da IT-ortalyqtar ashyldy: Aýyl jastary robototehnıkany meńgeredi
Daıyndyq barysynda Solnsev Davıd mektepte júzege asyrǵan jobalary arqyly óz qabiletin kórsetti. Ol Python, Java jáne C++ baǵdarlamalaý tilderin erkin meńgergen, 3D modeldeý, veb-saıttarmen jumys isteý jáne robottardy ázirleý salasynda tájirıbesi bar. Davıd bul baǵytqa bala kúninen qyzyǵyp, únemi óz bilimin jetildirip otyrady. Sonymen qatar, ol kásibı túrde fýtbolmen aınalysady, búginde «Qaırat» fýtbol klýby jasóspirimder tobynyń múshesi. Davıd sport pen tehnıkany qatar damytyp, zamandastaryna úlgi bolyp júrgen jan-jaqty oqýshy.
Amanjol Raýan da bala kezinen robototehnıkamen turaqty túrde aınalysyp keledi. Ol robot qurastyrý jáne baǵdarlamalaý baǵytynda tájirıbe jınaqtap, jaýapkershiligi joǵary jobalardy júzege asyryp júr. Raýan da «Qaırat» fýtbol komandasynyń quramynda oınap, tártibimen, eńbekqorlyǵymen kózge túsip, ujymmen jumys isteı alatyn qabiletin kórsetip keledi.
Qaraǵandylyq oqýshylar robototehnıka olımpıadasynan oljaly oraldy
Jaıly mektepte oqýshylardyń ınjenerııa jáne zamanaýı tehnologııalar salasyndaǵy joly endi ǵana bastalyp jatyr. Alda olardy jańa jobalar, tyń ıdeıalar jáne úlken jetistikter kútip tur. Talantty oqýshylardyń jetekshisi Aıgúl Aldabaeva.
