Ashylý saltanatyna Majarstan Mádenıet jáne ınnovasııalar mınıstri Balash Hanko, Qazaqstannyń Majarstandaǵy elshisi Abzal Saparbekuly, Túrki akademııasynyń prezıdenti Shahın Mustafaev, TÚRKSOI» bas hatshysy Sultan Raev, Majar Ulttyq mýzeıiniń prezıdenti Gabor Jıgmond, «Majar-Turan» qorynyń prezıdenti Andrash Jolt Bıro, sondaı-aq Ázerbaıjan, Túrkııa, О́zbekstan, Mońǵolııa syndy birqatar eldiń mýzeı basshylary men ǵalymdary qatysty.
Halyqaralyq yntymaqtastyq nátıjesinde uıymdastyrylǵan kórmede 13 eldiń 64 mýzeıinen jınalǵan 400-den astam biregeı tarıhı jádiger usynylǵan. Ekspozısııa ǵun dáýirinen bastap búginge deıingi shamamen 1600 jyldyq tarıhı kezeńdi qamtyp, Attılanyń tulǵasy men ǵundar murasy áıgilendi. Kórmege Otanymyzdan tabylǵan ǵun dáýiriniń arheologııalyq jádigerleri de qoıyldy.
Kórme aıasynda «Eýropalyq ǵundar jáne dalalyq arheologııanyń sońǵy jetistikteri» atty halyqaralyq ǵylymı konferensııa ótkizilip, oǵan Majarstan, Túrki memleketteri jáne Mońǵolııadan kelgen jetekshi arheologter men zertteýshiler qatysty. Majar ulttyq mýzeıindegi «Attıla» kórmesi 23 qańtardan 12 shildege deıin kópshilik nazaryna usynylady.
