Chempıondar lıgasynyń segiz týry barysyndaǵy seıvter sany boıynsha jarııalanǵan statıstıka dereginshe, Temirlan Anarbekov 36 seıv jasap, qaqpasyn goldan qorǵap qalǵan úzdik úshinshi golkıper atandy.
Reıtıngtiń birinshi satysy norvegııalyq «Bodo Glımt» klýbynyń reseılik qaqpashysy Nıkıta Haıkınge tıesili. Ol qaqpaǵa týra baǵyttalǵan 49 soqqyny qaıtarǵan.
Ekinshi orynda «Real Madrıd» klýbynyń belgııalyq qaqpashysy Tıbo Kýrtýa tur. Ol 8 matchta 41 seıv jasaǵan.
Al «Qaırattyń» taǵy bir qaqpashysy Sherhan Qalmyrza UEFA Chempıondar lıgasy negizgi kezeńiniń alǵashqy eki týrynda 11 seıv jasaǵan eken.
Aıta keteıik, ÝEFA Chempıondar lıgasynyń Instagram-daǵy resmı paraqshasy jalpy kezeńniń úzdik fýtbolshylar qataryna da Temirlan Anarbekovty qosqan.
Temirlan Anarbekov ÝEFA Chempıondar lıgasynyń jalpy kezeńinde sátti óner kórsetip, birneshe ret úzdikter toptamasynan tabyldy. Ol Chempıondar lıgasynyń altynshy týrynan keıingi statıstıka boıynsha eń joǵary reıtıngke ıe bolǵan fýtbolshylardyń tiziminde kósh bastap, «Qaırat» – «Olımpıakos» matchynda úzdik oıynshy atandy.
Sondaı-aq ol «Qaırat» klýbymen kelisimshart merzimin uzartty.
