Keńeske Jetisý oblysynyń ákimi Beıbit Isabaev, Sý resýrstary jáne ırrıgasııa mınıstri Nurjan Nurjigitov, Aýyl sharýashylyǵy vıse-mınıstri Azat Sultanov qatysty. Jıynda sý tapshylyǵy qaýpin azaıtýǵa sý únemdeý tehnologııalaryn jedel engizý men ylǵaldy kóp qajet etetin daqyldardyń egis kólemin kezeń-kezeńimen qysqartý qajet ekeni aıtyldy.
Jetisý oblysynyń aýyl sharýashylyǵy qajettiligine bıylǵa belgilengen sý paıdalaný lımıti 1,877 mlrd tekshe metrdi quraıdy. Onyń 1,837 mlrd tekshe metri egistikti sýarýǵa baǵyttalǵan. Oblys ákimdiginiń málimetinshe, óńirde josparlanǵan egis alqaby 147 myń gektar, al qazirgi ýaqytta barlyq sý qoımasy sý jınaý rejiminde jumys istep tur.
Zamanaýı sýarý júıelerin engizýdi yntalandyrý maqsatynda uńǵyma burǵylaý, ınfraqurylym tartý men sý únemdeıtin jabdyqtardy satyp alý shyǵyndaryn óteý úlesi 50%-dan 80%-ǵa deıin artty. Buǵan qosa eginge qajetti sýǵa saralanǵan tarıf engizilip, sý únemdeý tehnologııalaryn paıdalanatyn sharýalarǵa sý qunyn sýbsıdııalaý 60%-dan 85%-ǵa deıin ulǵaıtyldy. Al mundaı tehnologııalardy qoldanbaıtyn sharýashylyqtarǵa sýbsıdııa mólsheri jyl saıyn 10%-ǵa qysqartylyp otyrady.
Qabyldanǵan sharalar nátıjesinde sý únemdeý tehnologııalary engiziletin alqaptardyń kólemi jyl saıyn 150 myń gektarǵa ulǵaıdy. Bul Memleket basshysynyń tapsyrmasyna tolyq sáıkes keledi. Jalpy, el boıynsha mundaı tehnologııalar 543,5 myń gektar sýarmaly jerde qoldanylyp, 874 mln tekshe metr sý únemdelgen. Jetisý oblysynda sý únemdeý júıeleri 33,7 myń gektar alqapta engizilgen.
Qanat Bozymbaev oblys ákimdigine 2030 jylǵa deıin sýarmaly jerlerde sý únemdeý tehnologııalaryn kezeń-kezeńimen 100 paıyz engizýdi qamtamasyz etýdi tapsyrdy. Onyń aıtýynsha, keńes dáýirinde paıdalanýǵa berilgen sýarmaly jerlerdi qalpyna keltirýge ári melıoratıvtik jaǵdaıyn jaqsartýǵa erekshe kóńil bólý qajet. Buryn tozǵan alqaptardy aınalymǵa engizý arqyly sýarmaly jerlerdiń aýmaǵyn keńeıtý mańyzdy. Buǵan qosa sý salasyndaǵy «qara naryqty» tolyq joıyp, barlyq zańbuzýshylyqty quqyq qorǵaý organdarynyń qatysýymen qatań túrde toqtatý qajet ekeni aıtyldy.
Eginge qajetti sýdy ashyq ári ádil bólý maqsatynda pılottyq rejimde jańa bıllıng júıesi engizilip jatyr. Bul júıe arqyly sý paıdalanýshylar men «Qazsýshar» RMK arasyndaǵy ótinim berý, kelisimshart jasaý men tólem júrgizý úderisteri tolyq sıfrlandyrylǵan. Fermerlerge túsindirý jumystaryn júrgizýge arnaıy jumys toby qurylyp, oblystyń alty aýdanynda shamamen 450 sharýamen kezdesý ótti.
2028 jylǵa deıingi Sý sharýashylyǵyn keshendi damytý jospary aıasynda úsh sý qoımasyn, eki gıdrotorapty, bir magıstraldy kanaldy rekonstrýksııalaýǵa arnalǵan jobalaý-smetalyq qujat ázirlenip jatyr. Sondaı-aq jeke ınvestısııalar esebinen syıymdylyǵy 80 mln tekshe metr bolatyn bir sý qoımasyn salý men taǵy jeti sý qoımasynyń qurylysyna tehnıkalyq-ekonomıkalyq negizdeme daıyndaý josparlanǵan. Budan bólek 2 myń shaqyrymnan astam sýarý kanalyn qalpyna keltirý men 400 shaqyrymǵa jýyq kanalǵa avtomattandyrý júıesin engizý kózdelgen.
Islam damý bankimen birlesip, óńirde sýarý jelilerin rekonstrýksııalaý boıynsha alty joba iske asyrylyp jatyr. Onyń bireýi aıaqtalǵan, al jalpy uzyndyǵy 400 shaqyrymnan asatyn taǵy eki joba bıyl paıdalanýǵa beriledi. Vıse-premer oblys ákimdigi men Sý resýrstary jáne ırrıgasııa mınıstrligine barlyq jobanyń ýaqtyly ári sapaly oryndalýyn qamtamasyz etýdi tapsyrdy.
Buǵan qosa sapar barysynda aýyldyq aýmaqtardyń turaqty damýyna baǵyttalǵan «Aýyl amanaty» baǵdarlamasynyń júzege asyrylý barysy talqylandy. Baǵdarlama aýyl turǵyndarynyń ómir sapasyn bıýdjettik mıkronesıeler berý arqyly arttyrýdy kózdeıdi. 2026–2028 jyldary respýblıka boıynsha bul maqsatqa 450 mlrd teńge bóliný josparlanǵan, onyń 22,6 mlrd teńgesi – Jetisý oblysyna tıesili. Bıyl óńirde aýyl kásipkerligi men kooperasııany damytýǵa baǵyttalǵan shamamen 400 jobany iske asyrý kózdelip otyr. Oblys ákimdigi men Ulttyq ekonomıka mınıstrligine baǵdarlamanyń sapaly oryndalýyn erekshe baqylaýda ustaý tapsyryldy.
