Aıta ketetin jaıt, jarııalanǵan Konstıtýsııa jobasynda Preambýla tolyǵymen ózgertilgen. Táýelsizdik jyldary Qazaqstan qoǵamy mańyzdy ózgeristerge ushyrady. Jańa Preambýla dál qazirgi zamannyń rýhyn, bizdiń qoǵamymyzdyń maqsattaryn jáne bizdiń kim ekenimizdi kórsetedi.
Jalpy alǵanda, Preambýlanyń ózgerýi Qazaqstannyń damýyndaǵy kelesi evolıýsııalyq kezeńdi belgileıdi jáne qazaq qoǵamynyń ustanatyn qundylyqtaryn aıqyndaıdy.
Osy oraıda, zań men tártip saqtalatyn, azamattardyń quqyqtary men bostandyqtary qorǵalatyn, qorshaǵan ortaǵa qamqorlyq jasaý jolyna túsken Ádiletti Qazaqstan ıdeıasyn bekitý – qoǵamnyń bul máselelerdi jete túsingenin men eseıgenin, sondaı-aq zamanaýı Qazaqstannyń qaǵıdattary men ıdealdarynyń boıyna tolyq sińirgenin kórsetedi.
Myńjyldyq tarıhtyń sabaqtastyǵy – jańa Konstıtýsııa jobasy aıqyndap bergen baǵdar
Odan bólek, osy qundylyqtar Konstıtýsııanyń barlyq baptarynda kórinis tabady.
Bul ámbebap ıdeıalar búgin de ózekti, ári bolashaqta da ózektiligin joǵaltpaıdy, sondyqtan olardy Konstıtýsııada bekitý – Qazaqstannyń keleshek urpaqtary úshin belgili bir baǵdar bolatyny anyq.
Sonymen qatar, bul másele sońǵy alty aı boıy belsendi talqylandy. El azamattarynan 2 myńnan astam usynys tústi.
Jańa Konstıtýsııanyń jobasy: Adamı kapıtal men adam quqyqtaryna basymdyq
Bastapqyda ózgerister Konstıtýsııanyń 40 baptaryna qatysty bolady dep josparlanǵan. Alaıda, jumys barysynda ózgerister sanynyń áldeqaıda kóp bolatyndyǵy anyqtaldy. Komıssııa músheleri barlyq mańyzdy ózgeristerdi muqııat qarap shyǵyp, túzetýler barlyq bólimder men 77 bapty qamtyp, bul qazirgi Konstıtýsııa mátininiń 84%-yn qurady. Osylaısha, Komıssııa músheleri Qazaqstannyń jańa Konstıtýsııasyn daıyndaýdy máselesin kóterip, ol qoldaý tapty.
