Jobany Jasandy ıntellekt jáne sıfrlyq damý mınıstrligi júzege asyrdy. Bul bastama talshyqty-optıkalyq baılanys jelilerin tartý nemese uıaly baılanys bazalyq stansııalaryn ornatý ekonomıkalyq jáne tehnıkalyq turǵydan múmkin emes shalǵaı ári halqy az aýyldardy ınternetpen qamtýǵa baǵyttalǵan. Osy maqsatta aýyldyq eldi mekenderde spýtnık baılanys júıeleri qoldanylǵan.
2023 jyldan bastap «KazSat» spýtnıkteri arqyly 176 aýyl ınternetke qosyldy. Al qalǵan 328 aýyl beıgeostasıonarlyq spýtnık júıeleri negizinde «OneWeb» tehnologııasy arqyly, «Jusan Mobile» operatorynyń qatysýymen ınternetke qol jetkizdi. Nátıjesinde, ulttyq joba aıasynda josparlanǵan 504 aýyldyń barlyǵy spýtnıktik ınternetpen tolyq qamtamasyz etildi.
Jobanyń iske asyrylýy aýyl turǵyndaryna onlaın bilim alýǵa, elektrondyq memlekettik qyzmetterdi paıdalanýǵa, telemedısına múmkindikterine qol jetkizýge, sondaı-aq jaqyndarymen úzdiksiz baılanys ornatýǵa jol ashyldy.
