FIFA: Fýtbol klýbtary transferge 13 mlrd dollardan astam qarajat jumsady

Klýbtardyń transferlik ótemaqylarǵa jumsaǵan jalpy shyǵyny tarıhta alǵash ret 10 mlrd dollardan asyp, 13,11 mlrd dollardy qurady. Bul 2024 jylmen salystyrǵanda 50%-dan astam joǵary, al 2023 jylǵy rekordtan 35,6%-ǵa kóp.

Erler arasyndaǵy kásibı fýtbolda transferlik shyǵyndar men tabys boıynsha anglııalyq klýbtar kósh bastap tur. Olar oıynshylardy satyp alýǵa 3,82 mlrd dollar jumsap, satylymnan 1,77 mlrd dollar tabys tapty. Al transfer operasııalarynyń sany boıynsha Brazılııa klýbtary birinshi orynǵa shyqty – 1 190 kiris jáne 1 005 shyǵys transfer.

FIFA  vıse-prezıdenti Shandor Chanı QFF keńsesine keldi

Jańadan kelgen oıynshylar úshin transferlik ótemaqy tólegen klýbtardyń sany rekordtyq 1 214-ke jetti. Sondaı-aq oıynshylardy satý arqyly tabys tapqan klýbtar sany boıynsha da jańa maksımým ornatyldy – 1 495 klýb.

Áıelder fýtbolynda da qarqyndy ósim baıqalady. 2025 jyly áıelder arasyndaǵy kásibı fýtboldaǵy transfer shyǵyndary 28,6 mln dollarǵa jetip, bir jylda 80%-dan astam artty. Kásibı fýtbolshy áıelderdiń 2 440 halyqaralyq transferi tirkeldi, bul 2024 jylmen salystyrǵanda 6,3%-ǵa kóp.

Ulttyq qurama FIFA reıtıngide úsh satyǵa tómendedi

Áýesqoı fýtbolda 2025 jyly 59 162 halyqaralyq aýysym rásimdeldi (jyldyq ósim – 9,4%). Ásirese Germanııa klýbtary áýesqoı oıynshylardy qabyldaý boıynsha kósh bastady (7 041 oıynshy).

Global Transfer Report 2025 esebinde transferlik tólemder, kelisimshart pen oıynshylardyń sıpattamalary boıynsha keńeıtilgen taldaý, sondaı-aq seleksııa jáne qysqa merzimdi jattyǵý taǵylymdamalaryna arnalǵan jeke bólim bar. Esep FIFA-nyń ınteraktıvti onlaın-platformasymen birge jarııalandy.

FIFA fýtbol erejesine ózgeris engizýi múmkin