Foto:depositphotos.com
Aıdyń birinshi onkúndiginde eldiń batysy men soltústik-batysynda, sonyń ishinde Aqtóbe oblysynda aýa temperatýrasynyń tómendeýi kútiledi. Túnde termometr baǵany –23-28 gradýsqa, kúndiz –15-23 gradýsqa deıin tómendeıdi. Onkúndik sońyna qaraı aıaz álsirep, túnde –10-20, kúndiz 0-8 gradýs shamasynda bolady.
Qazaqstannyń soltústiginde, ortalyǵynda jáne shyǵysynda qysqa merzimdi jylyný boljanyp otyr. Túngi temperatýra –15-25 gradýstan –2-10 gradýsqa, al kúndiz –5-13 gradýstan +4 gradýsqa deıin kóteriledi. Onkúndiktiń sońynda qaıtadan sýytady: túnde –18-28, kúndiz –13-20 gradýs bolady.
Eldiń ońtústik-batysynda, ońtústiginde jáne ońtústik-shyǵysynda aýa temperatýrasy qubylmaly bolady. Túnde –5 gradýstan +5 gradýsqa deıin, keı jerlerde –11 gradýsqa, al Qyzylorda oblysynyń soltústiginde –18 gradýsqa deıin tómendeýi múmkin. Kúndiz aýa temperatýrasy +3-10 gradýstan +8-17 gradýsqa deıin jylyp, keıin 0-8 gradýsqa deıin tómendeıdi.
Sınoptıkter Qazaqstannyń toǵyz qalasynda aýa lastanatynyn eskertti
Jalpy alǵanda, aqpan aıyndaǵy eń sýyq kúnder eldiń batysynda, soltústiginde, ortalyǵynda jáne shyǵysynda aıdyń birinshi jáne ekinshi onkúndiginde kútiledi. Túnde aýa temperatýrasy –21-30 gradýsqa, al shyǵystyń taýly aımaqtarynda –35 gradýsqa deıin tómendeýi múmkin. Kúndiz –13-20 gradýs aıaz saqtalady.
Respýblıkanyń ońtústik jartysynda aı boıy túngi temperatýra –5 gradýstan +5 gradýsqa deıin, keı jerlerde –15 gradýsqa deıin aýytqıdy. Kúndiz +10 gradýstan +8-17 gradýsqa deıin jylynady.
Sınoptıkter sondaı-aq tuman túsip, kóktaıǵaq bolyp jáne jel kúsheıetinin eskertedi.
