Bul sheshim qalada qyzylsha aýrýynyń kúrt ósýine baılanysty qabyldandy. Sońǵy úsh aptada 403 rastalǵan jaǵdaı tirkelip, kórsetkish 100 myń turǵynǵa shaqqanda 25,5-ke jetken. Aýrý kórsetkishi bir apta ishinde 2,8 ese artqan. Naýqastardyń 96%-y – 14 jasqa deıingi balalar.
Aýrý juqtyrǵan balalardyń 95%-y vaksına almaǵan. Olardyń basym bóligi ata-anasynyń ekpeden bas tartýymen baılanysty.
66 kadet qyzylsha juqtyrdy: Kókshetaýdaǵy áskerı kolledjde karantın engizildi
Qaýlyǵa sáıkes, 18 jasqa deıingi balalar men jasóspirimderdiń vaksınasııa mártebesi qaıta tekserilip, ata-anasynyń kelisimimen ekpe júrgiziledi. Sondaı-aq 55 jasqa deıingi medısına qyzmetkerleri de tekserýden ótedi. Al 6-10 aılyq sábılerge qosymsha vaksınasııa qarastyrylǵan.
Sonymen qatar bilim berý uıymdarynda tańerteńgi medısınalyq súzgi júrgizý, naýqastardy oqshaýlaý, ekpesiz balalardy qabyldaýdy ýaqytsha toqtatý jáne jappaı is-sharalarǵa tyıym salý tapsyryldy.
