Jıynǵa memlekettik jáne quqyq qorǵaý organdarynyń jetekshileri, máslıhat depýtattary, úkimettik emes uıym músheleri, zııaly qaýym, joǵary oqý oryndarynyń rektorlary, bıznes-qaýymdastyq jáne BAQ ókilderi qatysty. Aýdan ákimderi selektorlyq rejım arqyly qosyldy.
О́ńir basshysy jańa Konstıtýsııany qabyldaý «Ádiletti Qazaqstan» qaǵıdattaryn ornyqtyrý jolyndaǵy mańyzdy ári tarıhı qadam ekenin erekshe atap ótti.
«Memleket basshysy Qasym-Jomart Kemeluly bastamashy bolǵan konstıtýsııalyq reforma elimizdiń bolashaq damý baǵytyn aıqyndaıdy. Konstıtýsııalyq komıssııanyń jumysy jarııa júrgizilip, nátıjesinde halyq nazaryna túzetýler jobasy usynyldy. Endeshe el taǵdyryndaǵy eleýli oqıǵaǵa baılanysty talqylaýlar da tereń, baıypty ári syndarly bolýy mańyzdy», dedi oblys ákimi.
Oblystyq qoǵamdyq keńestiń tóraǵasy Baýyrjan Ataýov zań shyǵarýǵa bastamashylyq ete alatyn jańa ınstıtýt − Halyq Keńesiniń qurylýy jáne arnaıy zańmen rettelýi azamattyq qoǵamnyń áleýetin arttyratyn batyl bastama ekenin jetkizdi.
Qazaqstan Halyq partııasynyń fraksııasy eldegi konstıtýsııalyq reformany qoldady
Jýrnalıst, Prezıdent janyndaǵy Ulttyq quryltaıdyń múshesi Baýyrjan Ǵubaıdýllın vıse-prezıdentti óz ókilettigin atqarý kezeńinde eshqandaı partııada bolmaýǵa mindetteý saıası uıymdardyń teń damý jaǵdaıyn qamtamasyz etýge, ózara básekelestikti arttyrýǵa múmkindik beretinin atap ótti.
«AMANAT» partııasy oblystyq fılıalynyń atqarýshy hatshysy Azamat Safımalıev, QHP oblystyq fılıalynyń tóraǵasy Borıs Lavrentev memleket úshin asa mańyzdy máselelerdi halyqtyń talqysynan ótkizýdiń batyl betburys ekenin aıtyp, qoǵam múshelerin azamattyq jaýapkershilik tanytýǵa shaqyrdy.
Qazaqstan ınnovasııalyq jáne telekommýnıkasııalyq júıeler ýnıversıtetiniń prorektory Janar Dosqazıeva azamattardyń jeke derekterin sıfrlyq ortada qorǵaý máselesi negizgi qujatqa engizilgeni − Ata zańnyń ýaqyt talabyna saı ózgergenin aıǵaqtaıtynyn aıtty.
«Aýyl» fraksııasynyń depýtattary Ata zań jobasyn biraýyzdan qoldady
Jıyn sońynda oblys ákimi jaýapty organdarǵa jańa Konstıtýsııa jobasyn halyqqa jan-jaqty túsindirý jumysyn kúsheıtýdi tapsyrdy.
