Sharaına

Hakerler shabýyl jasaýǵa shaqyrdy О́zderiniń radıkaldy «Islam memleketi» (DAISh) tobynyń qyzmetine qatysy barlyǵyn málimdeıtin hakerler toby AQSh qarýly kúshteri áskerıleri men memlekettik qyzmetshileriniń jeke málimetterin jarııa­lap, sodyrlardy olarǵa shabýyl jasaýǵa shaqyrǵan, dep habarlaıdy RIA Novostı agenttigi jergilikti telearnaǵa silteme jasaı otyryp. Hakerler áskerı áýe kúshteri, NASA jáne Nıý-Iork pen Nıý-Djersı shtattary bıligi qyzmetkerleriniń aty-jónderin, elektrondy poshtalarynyń meken-jaılaryn, paroldary men telefon nómirlerin, sondaı-aq, memlekettik departamenttiń birneshe qyzmetkerleriniń kredıttik kartalarynyń málimetterin biletindikterin málimdegen. Biz bul habardan qulaǵdarmyz, biraq dál qazirgi ýaqytta onyń shynaıylyǵyn rastaı almaımyz. Bizdiń basty mindetimiz – qyzmet atqaryp júrgenderdiń qaýipsizdigin qamtamasyz etý, dep keltirgen joǵaryda atalǵan telearna AQSh qorǵanys mınıstrligi ókiliniń sózin. Jer shary halqynyń ósýi qalaı? 2100 jylǵa qaraı Jer sharynyń halqy 11 mıllıard adamnan aspaq. Bul týraly BUU-nyń Ekonomıkalyq jáne áleýmettik máseleler jónindegi departamenti janyndaǵy halyq qonystanýy bóliminiń dırektory Djon Ýılmot málimdegen. Onyń aıtýynsha, planeta turǵyndarynyń sany XXI ǵasyrdyń birinshi jartysynda qarqyndy túrde ósýin jalǵastyryp, 2050 jylǵa qaraı 9,8 mıllıard adamǵa jetpek. Júzjyldyqtyń sońyna taman planetamyzda keminde 9,5 mıllıard adam, al kóbeıtip aıtqanda 13,3 mıllıard adam ómir súrmek. Ǵalymnyń naqty boljamy 11,2 mıllıard degen sıfrǵa saıyp otyr. Dırektordyń atap ótýinshe, halyqtyń ósýi ekvatorlyq jáne ońtústik Afrıka elderiniń úlesine tımek. Búginde bul qurlyqtyń aýmaǵynda 1,2 mıllıardqa jýyq adam ómir súredi, júzjyldyqtyń sońyna qaraı olardyń sany úsh eselenip, 3,4-ten 5,6 mıllıard adamǵa deıin jetpek. Obama kómekshisi sot aldynda jaýap bermek Aq úıdiń aǵa kómekshisi Barvetta Sıngltarı adamǵa qarsy oq atty jáne shabýyl jasady degen aıyppen sot aldynda jaýap beretin bolady, dep habarlady USA Today basylymy. Ol prezıdent Obamanyń AQSh-tyń О́kilder palatasymen yqpaldastyǵy úshin jaýap beretin. Basylymnyń jazýyna qaraǵanda, 7 tamyz kúni Vashıngton qalasynyń shet jaǵynda Sıngltarı polısııa qyzmetkeri atyn atamaǵan óziniń jigitimen sózge kelip qalǵan. Ursysý kezinde áıel óz jigitiniń qyzmettik qarýyn alyp shyǵyp, edenge qarata atyp jibergen. Abyroı bolǵanda, oqıǵa saldarynan eshkim zardap shekken joq. Sıngltarıdy polısııa qyzmetkerleri qamaýǵa alǵan. Keıin 75 000 dollar kepildikpen ony bostandyqqa shyǵarady. Atalǵan isti sotta qaraý ústimizdegi jyldyń qyrkúıek aıyna belgilenip otyr. Onyń prezıdenttik rezıdensııa aýmaǵyna kirýine tyıym salynǵanyn da aıta ketý qajet. Ushqyshtar ishimdik ishken bolyp shyqty Norvegııada AirBaltic kompanııasy ekıpajynyń tórt birdeı múshesin, olar salamattylyq testinen óte almaýyna baılanys­ty, Oslodan ushaıyn dep jatqan jerinde ustaǵan. Bul ekıpaj Oslodan Krıttegi Hanıýge ushyp barýǵa tıis bolatyn. Ushaq áýege kóterilerdiń aldynda áýejaıdyń qaýipsizdik qyzmetine bireýler jasyryn qońyraý shalyp, ekıpajdyń jaǵdaıy týraly eskertken. Osydan soń ekıpaj shuǵyl túrde baqylaýdan ótkizý úshin áýejaı ǵımaratyna jetkizilgen. Alkogoldiń eń kóp mólsheri – 1,2 promılle – ekinshi ushqyshtyń qanynan anyqtalǵan kórinedi. Komandırde bul kórsetkish 0,4 promılleni, al stıýardessalarda 0,8 jáne 0,4 promılleni kórsetken. Olarǵa eńbek mindetterin oryndaý kezinde alkogoldi ishimdik ishti degen aıyp taǵylyp otyr. Norvegııa zańdary boıynsha olar 2 jylǵa deıin bas bostandyqtarynan aıyrylýy múmkin. Joǵary laýazymdar qysqartylmaq Iraktyń premer-mınıstri Haıder Djavad Ál-Abadı vıse-prezıdent jáne premerdiń orynbasary laýazymdaryn qysqartyp jiberdi, dep habarlaıdy RIA Novostı agenttigi. Agenttiktiń málimetterine qaraǵanda, mundaı sheshim memlekettik bıýdjet jaǵdaıyn jaqsartý jáne shyǵyndardy qysqartý jónindegi keshendi sharalardyń bir bóligi bolyp tabylady. Premer qabyldaǵan sheshim olardyń qoldaýlaryn alý úshin Iraktyń mınıstrler keńesi men ókilder keńesine usynylatyn bolady. Jergilikti telearnanyń aqparatynsha, Ál-Abadı jasalǵan jáne jasalyp jatqan «jemqorlyq qylmystardy» tergeý úshin arnaıy komıtet qurmaq nıette. Aıta ketý kerek, osyǵan deıin Irakta úsh vıse-prezıdent jáne premer-mınıstrdiń úsh orynbasary bolyp keldi. Jappaı qyryp-joıý qarýynan bas tartýǵa shaqyrdy Japonııanyń Nagasakı qalasyna ıadrolyq bomba tastaýdyń 70 jyldyǵy kúni Rım Papasy Fransısk adamzatty soǵystan jáne kez kelgen jappaı qyryp-joıatyn qarý qoldanýdan bas tartýǵa shaqyrdy. Osydan 70 jyl buryn 1945 jyldyń 6 jáne 9 tamyzynda Hırosıma men Nagasakıge qasiretti atom bombalary tastaldy. Arada kóptegen jyldar ótkende de osynaý qaıǵyly oqıǵalar búginge deıin úreı men jekkórinish sezimin týyndatady, dep málimdedi pontıfık Vatıkanda ótken dástúrli jeksenbilik ýaǵyz kezinde. Fransıskiniń aıtýynsha, ol oqıǵalar adamzat úshin eskertý bolyp tabylady. Rım Papasy dindarlardy beıbitshilikti, baýyrlastyqty jáne adamdardyń tynysh qatar ómir súrýin nyǵaıtý úshin barlyq kúsh-jigerdi qoldanýǵa shaqyrdy. Fergıýsonda on ereýilshi tutqyndaldy Fergıýsonda Maıkl Braýnnyń polısııa qolynan qaza tabýyna baılanysty narazylyqtar nátıjesinde kem degende on adam tutqynǵa alynǵan. Bul týraly RIA Novostı agenttigi habarlap otyr. Sherýshiler sany men polıseılerge qarsy sý toltyrylǵan plastık shólmekter laqtyrý arqyly oryn alǵan oqıǵalar qatarynyń orasan zor bolǵanyna qaramastan, janjaldyń órbýiniń aldyn alýdyń sáti túsken. Narazylyq bildirýshilerdiń keıbireýleriniń aıtýlaryna qaraǵanda, quqyq qorǵaý qyzmetkerleri kózden jas aǵyzatyn gazdy qoldanǵan. Biraq munyń bári ereýilshilerdiń aksııany odan ári jalǵastyrýyna kedergi keltire almaǵan. Sondaı-aq, osynyń aldyndaǵy narazylyq kezinde oq atylyp, odan bir adamnyń zardap shekkeni de belgili bolyp otyr. Zardap shekken adamdardyń biri polısııa qyzmetkerine qarsy oq atty degen kúmán bar. Bul narazylyq sharalarynyń 2014 jyly qarýsyz afroamerıkalyq Maıkl Braýndy polıseılerdiń atyp óltirýine bir jyl tolýyna baılanysty uıymdastyrylyp otyrǵanyn eske sala ketý qajet. Internet materıaldary negizinde ázirlendi.