Uńǵymany synaý jumystary nátıjeli boldy

Atalǵan uńǵymany burǵylaý 2024 jyldyń qarashasynda bastalyp, 2025 jyldyń jeltoqsan aıynda 5750 metr tereńdikte aıaqtaldy. Mundaı tereń geolo­gııalyq barlaý jumystary tehnologııalyq jaǵynan kúrdeli sanalady. Ásirese tym joǵary qabat qysymy men kúkirtti sýtektiń bolýy saqtyq sharalaryn kúsheı­tip, qaýipsiz­dik talaptaryn qatań saqtaýdy qajet etedi. Alaıda arnaıy tehnologııalyq sheshimderdiń arqasynda mamandar bul belesti de baǵyndyryp, memlekettiń damýy úshin mańyzdy nátıjege qol jetkizdi. 

«Qaraton Podsolevoı» — «Qaz­­Munaı­­­Gaz­­­dyń» strategııalyq bar­laý joba­lary­­nyń biri. Ol elimizdiń resýrs­tyq qo­ryn to­­­lyq­tyrý úshin qolǵa alynǵan ári jer as­tynda tereń orna­lasqan kúrde­li qazba­ny zertteýge baǵyttalǵan. Uńǵy­ma­nyń alǵashqy ny­sanyndaǵy synaq nátıjeleri bul jer­de kómirsýtek qory bar ekenin rastap otyr.

Geologııalyq barlaý jumystaryn jańa deńgeıge kóterýdi maqsat etken mańyzdy joba jaqsartylǵan modeldik kelisimshart aıasynda júzege asyrylyp keledi. Bul el Úkimetiniń jer qoınaýyn paıdalaný salasyndaǵy qolǵa alǵan basty reformalardyń biri.  Ol elimizdiń kúrdeli ken oryndaryna degen ınvestısııalyq tartymdylyqty edəýir arttyrady. Bul tetik jer qoı­naýy­nyń kúrdeli ýchaskelerin barlaý men tereń ıgerýge jaǵdaı jasaı otyryp, mańyzdy retteýshi əri fıskaldy preferensııalardy usynady.

Uńǵymany zertteý jumystary osymen toqtap qalmaıdy. Jumys josparyna səıkes aldaǵy ýaqytta taǵy bolashaǵy zor tórt munaıly-gazdy nysanda synaq júrgizý kózdelgen.