Májilis depýtaty Erkin Ábil tarıhı sabaqtastyq memlekettiń eń senimdi tiregi ekenin aıtty. Onyń aıtýynsha, jańa Konstıtýsııa jobasynda bul ustanymnyń aldyńǵy qatarda qarastyrylýy elimizdiń myńjyldyq damý tarıhyn, ulttyq mádenı kodyn jáne basqarý tájirıbesin quqyqtyq negizde aıqyndaıdy.
Toqaev: Uly dala zańyna bas ıgen, ar-uıattan attamaǵan halyqpyz
«Uly dala» uǵymynyń Konstıtýsııada kórinis tabýyn tarıhı sabaqtastyqty quqyqtyq deńgeıde bekitýdiń naqty dáleli retinde baǵalady. «Uly dala» uǵymy emosııalyq nemese poetıkalyq tirkes emes. Bul – Qazaqstan memlekettiliginiń tarıhı keńistigin, mádenı kodyn jáne jaýapkershilik fılosofııasyn beıneleıtin naqty uǵym. Tarıhı sabaqtastyq eldiń ótkenin, búginin jáne bolashaǵyn jalǵaıtyn quqyqtyq kópir ispetti», dedi E. Ábil.
«Uly Dala fılosofııasy jáne quqyqtyq mádenıet» halyqaralyq sımpozıýmy ótti
Erkin Ábildiń pikirinshe, bul ustanym óz azamattarymyzǵa ǵana emes, halyqaralyq qaýymdastyqqa da memlekettiń tereń tamyryn, ulttyq dástúrin jáne órkenıettik sabaqtastyǵyn aıqyn kórsetedi. Ol tarıhı sabaqtastyqty konstıtýsııalyq deńgeıde bekitý halyqaralyq tájirıbege de saı keletinin atap ótti.
«Qytaı, Vengrııa, Polsha, Lıtva sekildi memleketter óz Konstıtýsııalarynda tarıhı sabaqtastyqty ulttyq egemendiktiń negizi retinde naqtylaǵan. Bul elder ony qaýip retinde qabyldaǵan joq, kerisinshe memlekettiń tutastyǵy men turaqtylyǵyn nyǵaıta tústi», deıdi depýtat.
Erlan Qarın: Uly dala – kóshpendiler órkenıetiniń altyn besigi
Saýalda jańa Konstıtýsııada memlekettiń ýnıtarly sıpatynyń naqtylanýy da mańyzdy ózgeris retinde kórsetilgen. Qoldanystaǵy Konstıtýsııadaǵy «Qazaqstan Respýblıkasy – prezıdenttik basqarý nysanyndaǵy birtutas memleket» degen tujyrym jańa redaksııada «Qazaqstan Respýblıkasy – ýnıtarly memleket. Basqarý úlgisi – prezıdenttik respýblıka» dep aıqyndalýy usynylǵan. Bul norma aýmaqtyq tutastyqty, quqyqtyq keńistiktiń birizdiligin jáne basqarý júıesiniń aıqyndyǵyn qamtamasyz etýge baǵyttalǵan deıdi depýtat pikirinshe.
