Máseleniń mán-jaıyn bilý maqsatynda jýrnalıst Arman Áýbákir Muhtar Shahanovtyń ózimen habarlasqan. Suhbat barysynda aqyn eshqandaı áleýmettik jelini qoldanbaıtynyn jáne taraǵan málimdeme jalǵan ekenin aıtqan.
Qoǵam qaıratkeriniń esimin jamylyp, mundaı mazmundaǵy aqparatty jarııalaýdyń artynda saıası tapsyrys turýy múmkin. Mundaı «feıkterdiń» negizgi maqsaty – qoǵamǵa jik salý, jurtshylyqty bir-birine qarsy qoıý jáne azamattardy zańsyz áreketterge ıtermeleý.
Eske sala keteıik, elimizdiń zańnamasyna sáıkes, kórineý jalǵan aqparat taratqan tulǵalar úshin qatań jaýapkershilik qarastyrylǵan. Shyndyqty burmalap, halyqty adastyrǵan azamattar ákimshilik nemese qylmystyq jaýapkershilikke tartylýy múmkin.
