Foto: egemen.kz/ Erlan Omar
Oljas Bektenov Memleket basshysynyń el ekonomıkasyn odan ári nyǵaıtý jónindegi alǵa qoıǵan mindetterine, Qazaqstan halqyna Joldaýynda belgilengen strategııalyq maqsattarǵa sáıkes Úkimet 2025 jyly júıeli ózgeristerge baǵyttalǵan is-sharalar qabyldaǵanyn atap ótti.
«Salyq, tarıf jáne bıýdjet saıasatynda, sıfrlyq jáne qurylys sektorlarynda, sondaı-aq áleýmettik salada qabyldanǵan sheshimder ekonomıkany damytýǵa tosqaýyl bolyp otyrǵan qurylymdyq dısproporsııalardy joıýǵa baǵyttaldy. Salyq jáne bıýdjet reformasy Ulttyq qordan nysanaly transfertterdi almaı-aq, elimizdiń úsh jyldyq bıýdjetin qalyptastyrýǵa múmkindik berdi. Ol 2028-shi jylǵa qaraı bıýdjet tapshylyǵyn ishki jalpy ónimniń 0,9%-na deıin qysqartýǵa yqpal etedi. Jergilikti bıýdjetterdiń respýblıkalyq bıýdjetke táýeldiligi 2025-shi jylǵy 50%-dan 2028 jyly 34%-ǵa deıin tómendeıdi», dedi Oljas Bektenov.
Júzege asyrylǵan reformalar kezeńinde 2025 jyldyń qorytyndysy boıynsha ekonomıkanyń ornyqty ósimin saqtap qalýǵa qol jetkizildi. Qundyq mánde IJО́-niń ósýi $20,1 mlrd-ty qurady.
Jalpy, 2025 jyly IJО́ ósimi 6,5%-dy qurady. Ekonomıkalyq ósimdi negizgi salalardyń jedel damýy qamtamasyz etti. Onyń ishinde kólik – 17,8%-ǵa, qurylys – 14,6%-ǵa, taý-ken ónerkásibi – 17,4%-ǵa, óńdeý ónerkásibi – 12,2%-ǵa, saýda – 26%-ǵa jáne aýyl sharýashylyǵy – 5,9%-ǵa ósti.
Aıta keteıik, dál qazir Prezıdent tóraǵalyǵymen Úkimettiń keńeıtilgen otyrysy ótip jatyr.
