Úkimet arnaıy ekonomıkalyq jáne ındýstrııalyq aımaqtarda ınfraqurylymdy 100% qamtamasyz etý úshin sharalar qabyldap jatyr. Degenmen arnaıy ekonomıkalyq aımaqtardyń ózinde ınfraqurylymmen ortasha qamtamasyz etý deńgeıi nebári 53%-dy, al ındýstrııalyq aımaqtarda bul kórsetkish 48%-dy quraıdy.
Jergilikti bıýdjetterdiń respýblıkalyq bıýdjetke táýeldiligi 34%-ǵa deıin tómendeıdi
Osyǵan baılanysty Úkimet arnaıy ekonomıkalyq jáne ındýstrııalyq aımaqtarda ınfraqurylymdy jedel damytý boıynsha birqatar qajetti sheshim qabyldap jatyr.
«AEA men IA-ny ınfraqurylymmen 100% qamtamasyz etý úshin qajetti sheshimder qabyldandy. Aldaǵy úsh jyl ishinde Islam damý banki qarajatyn tartý esebinen jańa óndiristik nysandarǵa qajetti ınfraqurylym salýǵa 1 trln teńge kóleminde ınvestısııalar tartylady», dep atap ótti Oljas Bektenov.
Aıta keteıik, dál qazir Prezıdent tóraǵalyǵymen Úkimettiń keńeıtilgen otyrysy ótip jatyr.
