«Bıyl jalpy uzyndyǵy 475 shaqyrym bolatyn eki temirjol jelisiniń qurylysyn jáne 2,9 myń shaqyrym joldy jańǵyrtý jumystaryn aıaqtaımyz. Bul tranzıttik tasymal kólemin 60%-ǵa ulǵaıtýǵa, al tranzıttik konteınerlik poıyzdardyń jyldamdyǵyn saǵatyna 50 shaqyrymǵa deıin arttyrýǵa múmkindik beredi. Atap aıtqanda, Qytaı shekarasynan Kaspııge deıin júkterdi jetkizý ýaqyty osy jyldyń sońyna qaraı 84 saǵattan 55 saǵatqa deıin qysqarady. 11 myń shaqyrym avtomobıl joldaryn salý men rekonstrýksııalaý jumystary júzege asyrylady», dep atap ótti Oljas Bektenov.
Bul rette tranzıttik áleýettiń serpindi damýyn tejeıtin birqatar faktor belgilengen. Solardyń biri temirjol ınfraqurylymdarynyń tozýynyń joǵary deńgeıi bolyp qalyp otyr. Osyǵan baılanysty magıstraldyq temirjol jelisin jańǵyrtý jónindegi keshendi baǵdarlamany júzege asyrý Úkimettiń turaqty baqylaýynda.
Sondaı-aq avıasııa salasyn, onyń ishinde ınfraqurylymdy qosa alǵanda, damytýǵa nazar aýdaryldy.
«Bıyl Astana qalasynyń áýejaıynda ekinshi ushý-qoný jolaǵynyń qurylysyn bastaımyz. Ony iske qosý 20 jyl boıy jóndeý kórmegen birinshi jolaqty jańǵyrtý jumystaryna kirisýge múmkindik beredi. Bul Astana áýejaıynyń ótkizý qabiletin 4 ese arttyryp, 40 mln jolaýshyǵa deıin jetkizedi. Shilde aıynda Almaty áýejaıynyń ishki termınalyn kúrdeli jóndeý jumystary aıaqtalady. О́tkizý qabileti 14 mln jolaýshydan 19 mln-ǵa deıin artady. Ushý-qoný jolaǵyn jańǵyrtý boıynsha qurylys-montaj jumystary bastalady», dep atap ótti Premer-mınıstr.
Sondaı-aq Prezıdent tapsyrmasy boıynsha avıaotynnyń naryqtyq baǵasyn qalyptastyrý úshin jaǵdaılar jasaldy. Nátıjesinde avıasııalyq otynnyń baǵasy $1,2 myńnan shamamen $950-ge deıin tómendedi. Bul sheteldik avıakompanııalar úshin Qazaqstannyń áýe keńistiginiń tartymdylyǵyn arttyrýǵa múmkindik beredi.
10 kúnde jeńildetilgen nesıe: Úkimet bıznesti qoldaýdyń jańa tetikterin ázirlep jatyr
