Foto: gov.kz
«Sarapshylar álem ekonomıkasynyń ósimi baıaýlap, halyqaralyq saýda qarqyny álsireıdi degen boljam jasap jatyr. Damýshy elderge salynatyn jahandyq ınvestısııa kólemi azaıyp barady. Qarjy salasy toqyraýǵa ushyraýy múmkin.
Búginde kóptegen el óz naryǵyn qorǵaý sharalaryn kúsheıtip jatyr. Memleketter arasynda ózara tarıftik shekteý qoıý úrdisi beleń aldy. Jahandaný úderisi keri sıpat ala bastady. Munyń bári álemdegi geosaıası ahýaldy ózgertip jatyr. Biraq negizgi ári sheshýshi oqıǵalar áli alda.
Dúnıe júzinde múlde jańa úderister paıda bolyp keledi. Memlekettiń turaqty damýy úshin biz osy ózgeristerge ekonomıkalyq jáne saıası turǵydan beıimdelýimiz qajet. Bul – asa mańyzdy mindettiń biri», dedi Memleket basshysy.
Qasym-Jomart Toqaev burynǵy tásilder qazir tıimsiz bolyp qalǵanyna nazar aýdaryp, ozyq memleketter álem ekonomıkasyn damytýdyń jańa úlgisin ázirleýge kirisip ketkenin atap ótti. Memleket basshysy Qazaqstan da bul úrdisten shet qalmaýy tıis ekenin jetkizdi.
Toqaev: Advokattardyń usynysymen Ata zań jobasyna advokatýra týraly jeke bap qosyldy
«Ult múddesin qorǵaý úshin ekonomıkany nyǵaıtýǵa jáne damytýǵa arnalǵan naqty jospar bolýǵa tıis. Dúnıe júzindegi ekonomıkalyq ahýalǵa qaramastan, byltyr ekonomıkamyz 6,5 paıyzǵa ósti. Bizdiń mıssııamyz – aıqyn: ekonomıkalyq ósim joǵary sapaǵa ıe bolýy kerek, ıaǵnı, eń aldymen, halyqtyń ál-aýqatyn arttyryp, turmysyn jaqsartýǵa tıis. Basqasha aıtsaq, ishki jalpy ónim artqan saıyn azamattardyń naqty tabysy da kóbeıýi kerek. Bul – Úkimettiń aldynda turǵan negizgi mindet», dedi Qasym-Jomart Toqaev.
«Ártúrli kózqaras – birtutas ult»: Prezıdent elimiz úshin mańyzdy qaǵıdatty atady
