Foto: Sputnik / Vladıslav Vodnev.
Qasym-Jomart Toqaevtyń aıtýynsha, jańa Konstıtýsııanyń jobasy jekelegen túzetýler engizilgen joba emes. Bul ózgeristerdiń basty maqsaty – jańa tarıhı dáýirde memlekettiń negizderin túbegeıli qaıta qurý, qoǵamdyq sanany jańǵyrtý.
Prezıdent: Konstıtýsııalyq komıssııanyń jumysy barynsha ashyq júrgizildi
«Jańa Konstıtýsııanyń jobasyna asa qajetti ári ozyq normalar engizilgen. Biz bárimiz bir el bolyp yrys-yntymaǵymyzdy, bereke-birligimizdi saqtaı otyryp, evolıýsııalyq, ıaǵnı tabıǵı jolmen damyp kelemiz. Bul – óte mańyzdy. Budan basqa jol joq», dedi Qasym-Jomart Toqaev.
«Ártúrli kózqaras – birtutas ult»: Prezıdent elimiz úshin mańyzdy qaǵıdatty atady
Prezıdent túpkilikti sheshim jalpyulttyq referendýmda qabyldanatynyn aıtty.
«Jańa Konstıtýsııa Qazaqstandy tyń qarqynmen órkendetýge, ár azamattyń áleýetin arttyrýǵa jol ashady dep senemin. Qalaı desek te, Ata zańymyzǵa qatysty túpkilikti sheshim jalpyulttyq referendýmda qabyldanady», dedi Memleket basshysy.
