Foto: Úkimettiń baspasóz qyzmeti
«Bul – Smart City qaǵıdatyna sáıkes barlyq salaǵa ozyq ınnovasııalar engizý, jasandy ıntellekti men sıfrlyq tehnologııany qoldaný degen sóz. Onda kapıtal tartý úshin teńdesi joq jaǵdaı jasalyp, jańa, batyl sheshimder qabyldaýǵa múmkindik beretin úzdik retteý rejımin qalyptastyrý qajet», dedi Memleket basshysy.
Memleket basshysy osy mańyzdy másele boıynsha óziniń tapsyrmasymen Konstıtýsııalyq zań ázirlenip, Parlamenttiń qaraýyna usynylǵanyn eske saldy.
«Maǵan Ulttyq bank pen Qarjylyq monıtorıng agenttigi buǵan qarsylyq tanytqany týraly baıandaldy. Bul Konstıtýsııalyq zań qabyldaýǵa múmkindik bermeıdi. Alaıda meniń tóraǵalyǵymmen ótken jıynda mundaı pikir aıtylmaǵan edi. Eger sizderde qandaıda bir qaýip ne qarsylyq bolsa, maǵan qaǵaz júzinde usynys berińizder. Tıisti tapsyrma beremin. Biraq, meniń oıymsha, bul shyndyqqa janaspaıtyn bos áńgime sekildi. Men jaýapkershilik alýdan qashpaımyn, al sizder konferensııalarda dilmársip, sóz sóılep júre berińizder. Qazir qorqynyshtan qaltyrap otyratyn emes, naqty jumys isteıtin zaman. Bul – elimiz úshin biregeı joba. Sondyqtan Úkimet onyń basy artyq bıýrokratııasyz, kidirissiz ári sapaly damýyn qamtamasyz etýi kerek», dedi Prezıdent.
Buǵan deıin Memleket basshysy Úkimettiń keńeıtilgen otyrysynda Jańa Konstıtýsııa jobasyna qatysty túpkilikti sheshim jalpyulttyq referendýmda qabyldanatynyn aıtqan edi.
Prezıdent: Qoldanystaǵy Konstıtýsııanyń tarıhı mańyzyn joqqa shyǵarýǵa bolmaıdy
