Foto: Úkimet
Oljas Bektenov Úndistan Premer-mınıstrine Qazaqstan Prezıdentiniń atynan jyly lebizderin jetkizdi. О́z kezeginde Narendra Modı Qasym-Jomart Toqaevqa izgi tilekterin joldady jáne strategııalyq áriptestikti jańa deńgeıge shyǵarý boıynsha birlesken jumysty jalǵastyrý nıetin bildirdi.
2025 jyldyń qorytyndysy boıynsha eki el arasyndaǵy taýar aınalymy 923,3 mln dollardy qurady. Kezdesýde saýda jáne ınvestısııalar, energetıka, AО́K, sıfrlandyrý jáne JI salasyndaǵy yntymaqtastyqty odan ári damytý máseleleri talqylandy. Qazaqstan Úndistan naryǵyna 40 taýarlyq pozısııa boıynsha 150 mıllıon dollarǵa ónim jetkizý kólemin ulǵaıtýǵa daıyn. Mańyzdy mıneraldar men sırek jer elementteri, ǵarysh, qorǵanys ónerkásibi salalaryndaǵy ózara is-qımyldy keńeıtýdiń eleýli áleýeti atap ótildi.
Premer-mınıstr álemniń 50-den astam elinen, sonyń ishinde memleket jáne úkimet basshylary, sondaı-aq IT salasyndaǵy sarapshylar men ǵylymı qaýymdastyq ókilderi jınalǵan India AI Impact Summit 2026 sammıtine qatysty.
Oljas Bektenov plenarlyq sessııada sóılegen sózinde ozyq tehnologııalardyń ekonomıkalyq áleýetine jáne olardyń jahandyq ósý qurylymyndaǵy áserine nazar aýdardy.
Oljas Bektenov: Úkimet «shynaıy muqtaj adamdarǵa ǵana kómek» qaǵıdatyn qatań ustanady
«Biz ıntellektiniń ınklıýzıvti, derbes jáne eń bastysy ekonomıkanyń negizgi sektorlaryn transformasııalaıtyn kúshke ıe bolýy kerek ekenine senimdimiz. Búginde Qazaqstan óńirlik sıfrlyq ortalyqqa aınalyp jatyr. Sondaı-aq BUU-nyń Elektrondyq úkimetti damytý ındeksinde 193 eldiń ishinde 24-shi orynda turmyz. Elimiz, sonymen qatar onlaın-qyzmetterdiń sapasy boıynsha álemdegi eń úzdik ondyqqa kiredi. Prezıdent Qasym-Jomart Toqaev úsh jyl ishinde Qazaqstandy tolyq sıfrlyq elge aınaldyrý maqsatyn qoıdy. Jasandy ıntellekt bizdiń ulttyq damýymyzdyń strategııalyq tiregi bolyp sanalady», dedi Oljas Bektenov.
Sondaı-aq Qazaqstan Premer-mınıstri álemdik tehnologııalyq kompanııalardy ozyq tehnologııalardy damytý salasyndaǵy yntymaqtastyqqa shaqyrdy.
Oljas Bektenov: Azamattardyń tabysyn arttyrýǵa basa nazar aýdarylady
«Memleket basshysy jarııalaǵan Sıfrlandyrý jáne JI jyly aıasynda Qazaqstanda sıfrlyq ekonomıkany damytý boıynsha jumystar júrgizilip jatyr. Innovasııany retteý men yntalandyrý arasyndaǵy tepe-teńdikti qamtamasyz etetin «Jasandy ıntellekt týraly» zań qabyldandy. Prezıdent janynan qurylǵan JI-di damytý jónindegi keńes bir platformada jetekshi álemdik vızıonerlerdi biriktirdi. Ortalyq Azııada alǵash ret eki iri sýperkompıýter klasteri ornalastyryldy, NVIDIA-men seriktestikte Derbes JI habyn qurý jobasy júzege asyrylyp jatyr. Bıyl ázerbaıjandyq seriktestermen birlesip, Transkaspıı talshyqty-optıkalyq jelisiniń qurylysyn aıaqtaý jahandyq derekter trafıgi úshin eń qysqa balama marshrýtty qamtamasyz etedi, bul Qazaqstanǵa Shyǵys pen Batys arasyndaǵy sıfrlyq kópir bolýǵa jol ashady. Ekibastuz qalasynda júzege asyrylyp jatqan flagmandyq «DО́O-lar alqaby» jobasy da iri derekter ortalyqtary úshin ekojúıe qalyptastyrýǵa múmkindik beredi. Memleket ınfraqurylym, jobalardy súıemeldeý jáne taǵy da basqa qajetti qoldaýdyń barlyq túrin usynady», dedi Oljas Bektenov.
Forým qorytyndysy boıynsha delegasııa basshylary India AI Impact Expo 2026 halyqaralyq kórmesine bardy, onda jasandy ıntellekt salasyndaǵy praktıkalyq sheshimder, tehnologııalar jáne qoldanbaly ázirlemeler usynyldy. Ekspozısııa ónerkásip, qarjy, densaýlyq saqtaý, qaýipsizdik jáne taǵy da basqa salalardyń keń aýqymyn qamtydy.
