Sport • Búgin, 18:20

«Otbasy bank» gımnastshylardyń jattyǵý zalyn tartyp ala ma? Mınıstrlik túsinikteme berdi

0 ret

kórsetildi

1 mın

oqý úshin

Týrızm jáne sport mınıstrligi Astana qalasy №1 balalar men jasóspirimderdiń mamandandyrylǵan olımpıadalyq rezerv sport mektebiniń kórkem gımnastıka bólimi tárbıelenýshileriniń «Dýman» qonaq úı kesheniniń zalynda jattyǵýyna qatysty máselege túsinikteme berdi, dep jazady Egemen.kz.

Dana MYRZAQADIR

«Otbasy bank» gımnastshylardyń jattyǵý zalyn tartyp ala ma? Mınıstrlik túsinikteme berdi

Foto: gtsolifk.ru

Mınıstrlik málimetinshe, qazir «Otbasy bank» AQ sportshylar úshin atalǵan zaldy paıdalaný merzimin 1 maýsymǵa deıin uzartqan. Bul kórkem gımnastshylardyń oqý-jattyǵý jumysyn turaqty jalǵastyrýǵa múmkindik bergen. Sondaı-aq Astana qalasy ákimdiginiń Dene shynyqtyrý jáne sport basqarmasynyń málimetine sáıkes, 1 maýsymnan bastap sportshylardyń jyl sońyna deıin «Saryarqa» velotreginiń sport zalyn jalǵa alý múmkindigi qarastyrylyp jatyr.

О́skemende kórkem gımnastıkadan halyqaralyq týrnır ótti

Qala ákimdiginiń aqparatynsha, Jangeldın kóshesi, 9a mekenjaıynda ornalasqan «Jeńis» sport kesheninde kórkem gımnastıka zalyna arnalǵan arnaıy qosymsha qurylys jumystary júrgizilip jatyr. Joba aıasynda kólemi 14×14 metr, bıiktigi 14 metr bolatyn eki tuǵyr qarastyrylǵan. Nysandy bıyl jyl sońyna deıin paıdalanýǵa berý josparlanyp otyr.

Almatyda gımnastıkadan el chempıondary anyqtaldy

«Týrızm jáne sport mınıstrligi úshin sportshylardyń turaqty daıyndyq jaǵdaıyn qamtamasyz etý – negizgi basymdyqtardyń biri. Eger balamaly alań anyqtalmasa, qoldanystaǵy zaldy odan ári paıdalaný máselesi balalardyń múddesin eskere otyryp, qaıta qaralady. Bul týraly qosymsha aqparat BAQ arqyly habarlanady. Jaǵdaı mınıstrliktiń baqylaýynda», delingen mınıstrlik taratqan habarlamada.