Búginde SSKО́B óndiris alańdarynda 12 myńnan astam qyzmetker eńbek etip júr. ERG kenshileri jańa Konstıtýsııanyń qabyldanýy osyǵan deıingi damý kezeńin túıindep, eldiń jańa tarıhynyń, memleket damýyndaǵy jańa kezeńiniń bastaýy bolaryna senimdi.
Konstıtýsııalyq reforma – basymdyqtar júıesiniń aıqyn kórinisi. Olardyń eń mańyzdysy – turaqtylyq, basqarymdylyq pen birizdilik. Bul qatardy odan ári tolyqtyryp, endigi jerde «eńbek qaýipsizdigi – memlekettiń mindeti» dep tanylǵanyn aıta ketken jón. Eńbekkerler ujymynda óndiristegi adam ómirine qaýipti ekonomıkalyq maqsattardy nemese kásiptiń ózindik erekshelikterin eshbir jaǵdaıda aqtaýǵa bolmaıtyny mańyzdy dep sanalady. Endigi jerde memleket pen jumys berýshi jaraqat alý faktileriniń, apattar men kásibı aýrýlardyń aldyn alý isine tikeleı jaýapty.
«Konstıtýsııalyq ózgerister árdaıym eldiń tek búgingi ǵana emes, uzaq jyldardaǵy ornyqty damýynyń alǵysharttaryn aıqyndaıdy. Munyń ónerkásip salasy úshin mańyzy erekshe. Bul jerde adamdar, eńbek qaýipsizdigi, áleýmettik turaqtylyq, ekonomıkalyq ortanyń sapasy sóz bolyp otyr. Jańa Konstıtýsııa eńbek adamynyń rólin nyǵaıtady. Zamanaýı jaýapkershilik tepe-teńdigin qalyptastyryp, óndiristi damytý men qyzmetkerler múddesin qorǵaý endigi jerde bir-birimen tyǵyz baılanysty mindetke aınalady. Mine, sondyqtan referendýmǵa qatysý – eldiń erteńgi damý traektorııasyn aıqyndaıtyn ár azamattyń sanaly tańdaýy», dedi ERG Dırektorlar keńesiniń tóraǵasy, Bas atqarýshy dırektory Shýhrat Ibragımov.
Taý-ken alybynyń qyzmetkerleri búgingi ózgeristerdiń qaıda baǵyttalǵanyn jete túsinedi ári olarǵa belsene qatysýǵa daıar.
Olar barsha qazaqstandyqtardy aldaǵy referendýmǵa kelip, óz tańdaýlaryn jasaýǵa shaqyrady. Árqaısymyzdyń daýysymyz mańyzdy!
