Keńes jumysyna dıplomatııalyq korpýs ókilderi, sonyń ishinde AQSh-tyń jańadan taǵaıyndalǵan elshisi Djýlı M. Stafft, sondaı-aq halyqaralyq kompanııalar, bıznes qaýymdastyq jáne memlekettik organdardyń basshylary qatysty.
Farıda Joldasova: Konstıtýsııanyń mazmuny jańaryp, el bolashaǵyna berik quqyqtyq negiz qalanyp jatyr
Otyrysta sóz sóılegen Premer-mınıstr Qazaqstanda júrgizilip jatqan konstıtýsııalyq reformanyń mańyzdylyǵyn atap ótti.
«Qazaqstan mańyzdy saıası kezeńnen ótýde. 15 naýryzda jalpyhalyqtyq referendýmda azamattar jańa Konstıtýsııa jobasy boıynsha daýys beredi. Bul irgeli qujat Prezıdent Qasym-Jomart Toqaev bastamashylyq etken jáne Ádiletti ári Qýatty Qazaqstan qurýǵa baǵyttalǵan aýqymdy saıası reformalardy tolyq qamtıdy.
Biz úshin basty basymdyq – turaqty ekonomıkalyq ósimdi qamtamasyz etý arqyly azamattardyń tabysyn arttyrý jáne ómir sapasyn jaqsartý. Osy maqsatqa jetý úshin jańa ınvestısııalyq sıkldi tolyqqandy iske qosýǵa baǵyttalǵan keshendi sharalardy júzege asyryp jatyrmyz», dedi Oljas Bektenov.
Sonymen qatar 19 aqpanda Vashıngtonda ótken Beıbitshilik keńesiniń alǵashqy otyrysynyń ereksheligine nazar aýdaryldy.
«Keshe Memleket basshysy Beıbitshilik keńesiniń birinshi otyrysyna qatysyp, AQSh Prezıdenti Donald Tramptyń Taıaý Shyǵystaǵy jaǵdaıdy turaqtandyrýǵa baǵyttalǵan bastamasyna qoldaý bildirdi. Qazaqstan Gazany qalpyna keltirý úderisterine qatysýǵa múddeli. Amerıka Qurama Shtattarymen qarym-qatynastardyń ornyqty damýy Qazaqstannyń syrtqy saıasatynyń negizgi baǵyttarynyń biri bolyp qala beredi», dedi Premer-mınıstr.
AQSh-tyń Qazaqstandaǵy Qasym-Jomart Toqaevtyń Vashıngtonda jahandyq arenada sóılegen sózi áserli bolǵanyn atap ótti.
«Biz búgingi tańda joǵary deńgeıde ornyqqan ekijaqty qarym-qatynastarymyzdyń odan ári keńeıýin kútemiz. Kommersııalyq yntymaqtastyǵymyz 2025 jyly rekordtyq kórsetkishke jetti. Tek 2025 jyldyń 4-toqsanynyń ózinde qazaqstandyq jáne amerıkalyq kompanııalar arasyndaǵy mámileler kólemi $17 mlrd-qa jetti. Bul nátıjeler bizdiń kózqarasymyzdyń bir ekenin jáne eki eldiń ekonomıkalyq ósimin kórsetedi, onyń ıgiligin halqymyz kórmek, sonymen birge ózara qarym-qatynasymyz nyǵaıa túsedi», dedi AQSh-tyń Qazaqstandaǵy elshisi Djýlı M. Stafft.
Jıynda sheteldik ınvestorlarmen yntymaqtastyqty keńeıtý, uzaqmerzimdi kapıtaldy, tehnologııalardy jáne úzdik halyqaralyq tájirıbelerdi tartý, bıznes úshin ashyq jáne boljamdy orta qalyptastyrý máselelerine nazar aýdaryldy.
Investor-kompanııalardyń ókilderi ınvestısııalyq ózara is-qımyldyń oń dınamıkasyn jáne salyq reformasy sheńberinde boljanatyn ári retteýge keletin orta qalyptastyrýdyń mańyzdylyǵyn atap ótti. Infraqurylymdy damytýǵa, sıfrlandyrýǵa, óndiristi lokalızasııalaýǵa, ozyq tehnologııalardy engizýge jáne turaqty ekonomıkalyq ósimge baǵyttalǵan uzaq merzimdi áriptestikterdi qalyptastyrýǵa basa nazar aýdaryldy.
«Sıtıbank Qazaqstan» AQ basqarma tóraǵasy Sáýle Jaqaeva «S5+1» alańdarynda qol jetkizilgen ýaǵdalastyqtardy jalǵastyrý úshin bıýdjetke qosymsha júktemesiz temirjol, avıasııalyq jáne aeronavıgasııalyq ınfraqurylymdy jańǵyrtý úshin US EXIM kepildigimen qarjylandyrý tartylǵanyn, bul eldiń tehnologııalyq deńgeıi men tranzıttik áleýetin arttyratynyn habarlady.
Al Eurasia Group Kazakhstan bas operasııalyq dırektory Sergeı Glokke Úkimettiń qoldaýymen Qazaqstanda John Deere tehnıkasyn óndirýdi lokalızasııalaý, servıstik ınfraqurylymdy keńeıtý jáne AО́K-te kooperasııany tereńdetý josparlary týraly aıtty. Atap aıtqanda, Túrkistan oblysyndaǵy zaýytta óndiriletin aýyl sharýashylyǵy tehnıkasy men kókónis ósirýge arnalǵan jabdyqtar jelisin keńeıtý josparlanǵan. Tájirıbesin jetildirý maqsatynda qazaqstandyq mamandar AQSh-taǵy John Deere kásiporyndarynda biliktiligin arttyrady. О́tken jyly Memleket basshysy jarııalaǵan Qazaqstandaǵy Jumysshy mamandyqtar jyly kásibı quzyrettilikti damytýǵa jáne kadrlyq áleýetti nyǵaıtýǵa qosymsha serpin berdi. Kadrlardy daıarlaý jáne biliktilikti arttyrý ekonomıkanyń jetekshi salalary, sonyń ishinde aýyl sharýashylyǵy úshin basymdyq bolyp qala beredi.
Wabtec Corporation kompanııasynyń TMD elderi men Mońǵolııadaǵy dalalyq servıster jáne tehnıkalyq qyzmet kórsetý jónindegi vıse-prezıdenti Ǵaını Dúısenova kásiporyndarda sıfrlyq tehnologııalardy engizý arqyly óndiristi keńeıtý josparlary týraly habarlady. Qazaqstan amerıkalyq Wabtec Corporation holdınginiń óńirdegi óndiristik seriktesteri arasynda kólemi boıynsha ekinshi orynda tur. Yntymaqtastyq jyldarynda QR-da 700-den astam lokomotıv shyǵaryldy, kásiporynnyń óndiristik qýaty jylyna 100 temirjol tehnıkasyn quraıdy. QTJ-men áriptestik sheńberinde lokomotıvter men dızeldi qozǵaltqyshtardy shyǵarýdy odan ári ulǵaıtý josparlanýda. QR-da temirjol ınfraqurylymyn damytý, «osal tustardy» joıý boıynsha júrgizilip jatqan aýqymdy jumystardy eskere otyryp, lokomotıv parkin jańartý jáne óndiristik qýattardy keńeıtý eldiń tranzıttik áleýeti men ótkizý qabiletine serpin beredi.
Freedom Holding Corp. bas atqarýshy dırektory Tımýr Týrlov «C5+1» forýmy sheńberinde OpenAI jáne NVIDIA-men qol qoıylǵan kelisimder Qazaqstan úshin bilim berý jáne jasandy ıntellektini damytý salasynda túbegeıli jańa múmkindikter ashatynyn atap ótti. Onyń aıtýynsha, bul bastamalardy júzege asyrý sıfrlyq ekonomıka úshin kadrlardy júıeli daıarlaýdy kózdeıdi jáne qazirgi zamanǵy esepteý ınfraqurylymyn qalyptastyrýǵa, onyń ishinde Pavlodar oblysyndaǵy «Derekterdi óńdeý ortalyǵy alqaby» jobasy sheńberinde negizdelýi múmkin.
Deloitte Kazakhstan kompanııasynyń salyq praktıkasy jónindegi seriktesi Eldos Syzdyqov Qazaqstan Respýblıkasynda júrgizilip jatqan salyq reformasy aıasynda qabyldanǵan ózgeristerge oń baǵa berip, QQS-ty ýaqytyly qaıtarmaǵany úshin ósimpuldy ýaqytsha alyp tastaý jáne ákimshilendirý rásimderin jetildirý teńgerimdi sıpatqa ıe, al jańa normalar ashyqtyqty arttyrýǵa jáne iskerlik ortany nyǵaıtýǵa baǵyttalǵanyn atap ótti. Jalpy, arnaıy salyq rejımderiniń parametrlerin qaıta qaraý, eń aldymen, teńgerimsizdikterdi joıýǵa jáne salyq salýdyń ádil júıesin qalyptastyrýǵa baǵyttalǵan.
Otyrysta kóterilgen máseleler boıynsha Qarjy jáne Syrtqy ister mınıstrlikteriniń basshylary pikir bildirdi.
Premer-mınıstr Oljas Bektenov halyqaralyq áriptestermen yntymaqtastyqty odan ári nyǵaıtýǵa jáne qolaıly ınvestısııalyq ahýal qurýǵa beıildi ekenin atap ótti. Jahandyq tehnologııalyq tizbekterdi qalyptastyrý sheńberinde Úkimet halyqaralyq tehnologııalyq kompanııalardy yntymaqtastyqqa tartýǵa jáne serpindi sıfrlyq jobalardy júzege asyrý úshin ınfraqurylym qurýǵa den qoıady. Jaýapty memlekettik organdarǵa Amerıkalyq saýda palatasymen birlesip aldaǵy jumystarda jıynda aıtylǵan bastamalar men bıznes usynymdaryn eskerý tapsyryldy.
