Ol jábirlenýshilerge 119 mln teńge kóleminde zalal keltirgen alaıaqtyq isi boıynsha kináli dep tanyldy.
Sot anyqtaǵandaı, dırektor sybaılasymen birge ǵımaratty jalǵa alyp, mektepti ınternet pen Instagram jelisinde jarnamalaǵan, ashyq esik kúnderin uıymdastyrǵan jáne ata-analarmen oqý jyly úshin mindetti aldyn ala tólem shartymen kelisimsharttar jasaǵan. Alaıda olardyń bilim berý qyzmetin júzege asyrýǵa lısenzııasy bolmaǵan. 2024 jyldyń qyrkúıeginen 2025 jyldyń aqpanyna deıin ata-analardan aqsha alǵanymen, ýáde etilgen qyzmetterdiń tolyq kólemin kórsetpegen.
Ata-analardyń aıtýynsha, mektep sapaly bilim, úıirmeler, tamaqtaný jáne balalardy tasymaldaý qyzmetin ýáde etken. Alaıda sabaqtar turaqsyz ótken, muǵalimder jumystan shyqqan, lısenzııa bolmaǵandyqtan balalar basqa mektepterge aýystyrylǵan. Bul derekter kelisimsharttar, bank aýdarymdary jáne túbirtekter arqyly rastalǵan.
«Sot dırektordyń áreketin aldyn ala sóz baılasý arqyly adamdar toby jasaǵan, asa iri mólsherdegi alaıaqtyq dep tanydy. Sottalýshynyń qarjylyq qıyndyqtar men qyzmettiń bir bóligin kórsetkeni týraly ýájderi qaramastan, onyń qasaqana áreket etkeni dáleldendi», delingen úkimde.
Reıske kirgizbegen: Air Astana jolaýshyǵa 500 myń teńge ótemaqy tóleýge mindetteldi
Jeńildetetin mán-jaılardy, sonyń ishinde kámeletke tolmaǵan balalarynyń bar ekenin eskere otyryp, sot dırektorǵa 6 jyl bas bostandyǵynan aıyrý jazasyn taǵaıyndady. Sondaı-aq dál osyndaı merzimge basshylyq qyzmet atqarý quqyǵynan aıyrdy. Jábirlenýshilerdiń azamattyq talap-aryzdary ishinara qanaǵattandyrylyp, keltirilgen zalal ortaq tártippen óndiriletin bolady.
Úkim zańdy kúshine áli engen joq.
