Foto: Ulttyq ulan
Habıbolla Berikbolsyn Astana qalasyndaǵy ushqyshtardy daıarlaıtyn oqý-tehnıkalyq mektebinde oqyp, keıin bilim jolyn Almatydaǵy Azamattyq avıasııa akademııasynda jalǵastyrǵan. Sondaı-aq ol Latvııa, Lıtva jáne Estonııa, Germanııa, Ispanııa syndy memleketterde taǵylymdamadan ótken.
«Aspan qatelikti keshirmeıdi. Ol senen tártipti, sabyrdy jáne tolyq daıyndyqty talap etedi. Árbir kókke kóterilý burynǵydan da muqııat bolýǵa úıretedi. Ushaq kabınasyna otyrǵan sátten bastap sen ushaqpen bir tutas mehanızmge aınalasyń», deıdi Habıbolla Berikbolsyn.
Arnaıy jasaq jaýyngeri: Qazaqstan áskerı qurylymynyń daıyndyǵy joǵary deńgeıde ekenin dáleldedik
Tájirıbeli ushqysh Túrkııa men Sırııada bolǵan joıqyn jer silkinisi kezinde Prezıdent tapsyrmasyn oryndaýǵa atsalysqan. 3656 áskerı bóliminiń avıasııalyq ekıpajy quramynda alty ret apat aımaqtaryna gýmanıtarlyq kómek jetkizgen. Ulttyq ulan baspasóz qyzmetiniń málimetinshe, ol tótenshe jaǵdaıda kórsetken batyldyǵynyń arqasynda «Jaýyngerlik erligi úshin» medalimen marapattalǵan.
Ulttyq ulan men «Analar júregi»: Áskerdegi baqylaý qalaı ózgeredi?
Aıta keteıik, 3656 áskerı bólimi qurylǵannan beri 100 myńnan astam adam men 8 mıllıon tonnadan astam júkti tasymaldaǵan. Habıbolla Berikbolsyn syndy Ulttyq ulan sapyndaǵy ushqyshtar el senimin abyroımen aqtap, memlekettiń áýe qalqanynyń beriktigin kún saıyn dáleldep keledi.
