Túrkistan áýejaıyna 14,3 mln teńge aıyppul salyndy

10 ret

kórsetildi

1 mın

oqý úshin

Túrkistan oblysy boıynsha Básekelestikti qorǵaý jáne damytý agenttiginiń departamenti bólshek saýdadaǵy áýe otyny naryǵyn tekserip, zańsyz áreketterdi anyqtady. Anyqtalǵandaı, áýejaı kásipkerlerden qosymsha tólem talap etken, dep habarlaıdy Egemen.kz.

Baıan SÚLEIMENQYZY

Túrkistan áýejaıyna 14,3 mln teńge aıyppul salyndy

Foto: Ashyq derekkóz

Tekserý nátıjesinde «Túrkistan halyqaralyq áýejaıy» AQ naryqtaǵy ústem jaǵdaıyn paıdalanyp, avıaotyndy bólshek saýdada ótkizetin kásipkerden áýejaı aýmaǵynda qyzmet kórsetý quqyǵy úshin zańsyz alym óndirip kelgeni anyqtaldy.

583 mln teńgeden astam zalal: Túrkistanda mektep qarjysyn jymqyrǵan 14 adam sottaldy

Áýejaıǵa qatysty tergeý júrgizilip jatyr.

«Túrkistan qalasy ákimshilik quqyq buzýshylyqtar jónindegi mamandandyrylǵan aýdanaralyq sotynyń sheshimimen «Túrkistan halyqaralyq áýejaıy» AQ ákimshilik jaýapkershilikke tartylyp, 14,3 mln teńge kóleminde aıyppul salyndy», dep habarlady agenttik ókilderi.

Eske salsaq, buǵan deıin Almaty halyqaralyq áýejaıy órt qaýipsizdigi talaptaryn oryndamaǵany úshin aıyppul salyndy. Sot áýejaıǵa 2,16 mln teńge kóleminde aıyppul salǵanymen, termınaldardy jabý týraly sheshim qabyldamaǵan, sebebi bul áleýmettik-ekonomıkalyq daǵdarys týǵyzýy múmkin edi.