Foto: kaztag.kz
Qarajat 1:50 000 masshtabyndaǵy ekinshi býyndy (GS2-50) 20 geologııalyq túsirilim jobasyn júzege asyrýdy bastaýǵa baǵyttalady. Jumystar shamamen 100 myń sharshy shaqyrymdy qamtıdy, bir ýchaskeniń ortasha aýdany – shamamen 5 myń sharshy shaqyrym. GS2-50 baǵdarlamasy zamanaýı geofızıkalyq, qashyqtyqtan jáne geohımııalyq zertteý ádisterin, sondaı-aq derekterdi tereń sıfrlyq óńdeýdi qoldanýdy qarastyrady. Bul ózekti geologııalyq kartalardy qalyptastyrýǵa jáne perspektıvaly ýchaskelerdi anyqtaýǵa múmkindik beredi.
Bıyl aerogeofızıkalyq jáne dalalyq jumystar, sonyń ishinde geohımııa, burǵylaý jáne aryqtar qazý josparlanǵan. Dala jumystary maýsymynyń qorytyndysy boıynsha synamalarǵa aldyn ala zerthanalyq taldaý júrgiziledi.
Shymkent farmasevtıkasyna 39,5 mlrd teńge ınvestısııa quıylady
Boljamdy resýrstardy naqtylaı otyryp, anyqtalǵan jáne buryn belgili ken aımaqtary men perspektıvaly alańdardy mamandandyrylǵan zertteýge, sondaı-aq boljamdy resýrstardy esepteı otyryp, ken alqaptaryn baǵalaýǵa erekshe nazar aýdarylady. Alynǵan nátıjeler egjeı-tegjeıli izdeý jáne barlaý jumystaryn júrgizýge negiz bolady. Geologııalyq túsirilim Aqmola, Aqtóbe, Almaty, Shyǵys Qazaqstan, Qaraǵandy, Qostanaı, Soltústik Qazaqstan, Mańǵystaý, Túrkistan oblystarynyń, sondaı-aq Abaı, Ulytaý oblystarynyń aýmaqtaryn qamtıdy.
Sondaı-aq Shý-Sarysý jáne Soltústik Torǵaı aýmaqtarynda zerttelmegen munaı-gaz perspektıvaly shógindi basseınderdiń 2D seısmıkalyq barlaý jumystarynyń 6 jobasyn júzege asyrý kózdelgen. Qazirgi ýaqytta olardyń geologııalyq zertteý deńgeıi kómirsýtekterdiń munaı-gazdyń jetkilikti mólsheri men resýrstyq áleýetin senimdi baǵalaýdy qamtamasyz etpeıdi. Seısmıkalyq barlaýdy júrgizý munaı men gaz ken oryndaryn lokalızasııalaý úshin perspektıvaly qurylymdardy anyqtaýǵa, sondaı-aq olardyń áleýetti kólemin baǵalaýǵa múmkindik beredi.
Úkimettiń baspasóz qyzmetiniń málimetinshe, barlyq jobany 2028 jyldyń sońyna deıin aıaqtaý josparlanyp otyr. Jalpy, úsh jyldyq kezeńde memlekettik geologııalyq zertteýge shamamen 240 mlrd teńge qarastyrylǵan.
Oljas Bektenov: Azamattardyń tabysyn arttyrýǵa basa nazar aýdarylady
Osy is-sharalardy júzege asyrý el aýmaǵyn geologııalyq zerdeleý deńgeıin arttyrýǵa, odan ári zertteý úshin perspektıvaly ýchaskelerdi anyqtaýǵa jáne Qazaqstannyń mıneraldyq-shıkizat bazasyn tolyqtyrý úshin jaǵdaılar jasaýǵa múmkindik beredi.
