Foto: freepik.com
Naryqtaǵy baıaýlaý belgileri
Ulttyq statıstıka bıýrosy dereginshe, bıylǵy qańtarda el boıynsha turǵyn úıdi satyp alý-satý mámileleri 10,3%-ǵa qysqarǵan. Bir aıda 27,7 myń páter men jeke úı satylǵan. Qańtar aıy dástúrli túrde belsendiligi tómen kezeń sanalady, áıtse de, ótken jyldyń sáıkes merzimimen salystyrǵanda álsiz bastalǵan.
2019 jyldan bergi kezeńge kóz júgirtsek, naryq aıtarlyqtaı qubylmaly sıpatqa ıe. 2019-2020 jyldary jyldyq mámile sany 300 myńnan sál asqan. Al 2021 jyly zeınetaqy jınaǵynyń bir bóligin merziminen buryn paıdalaný múmkindigi engizilip, mámile sany 606,1 myńǵa deıin jetti. Keıingi eki jylda kórsetkish tómendep, 2024 jyly qaıtadan 16,8%-ǵa ósken. 2025 jyly ósim 3,6%-ǵa deıin baıaýlasa, bıylǵy qańtarda naryq is júzinde toqyraý kezeńine jaqyndaǵanyn kórsetti.
Baǵa qysymy jáne jańa salyqtar
Qazirgi ahýalǵa birneshe faktor áser etip otyr. Sonyń biri – qurylys salýshylar úshin 16% mólsherindegi qosylǵan qun salyǵynyń (QQS) engizilýi, ıpotekalyq saıasattaǵy yqtımal ózgerister jáne turǵyn úı baǵasynyń ósýi.
Qańtar aıynda jańa turǵyn úılerdiń ortasha baǵasy ótken jyldardyń osy kezeńimen salystyrǵanda eń joǵary ósimdi kórsetti – 17%. Bir jyl ishinde jańadan salynǵan baspananyń bir sharshy metri 100 myń teńgeden astam qymbattap, 604,8 myń teńgege jetti.
Pavlodarda qurylys bóliminiń burynǵy basshysy 2 jylǵa sottaldy
Megapolısterge túsetin salmaq
2025 jyldyń qorytyndysynda el boıynsha paıdalanýǵa berilgen turǵyn úı kólemi 20,1 mln sharshy metrge jetip, rekordtyq deńgeı tirkeldi. Alaıda jyldyq ósim qarqyny 6% bolyp, aldyńǵy jyldarmen salystyrǵanda baıaýlady.
Jalpy kórsetkishtiń 44%-y Almaty, Astana, Shymkent qalalaryna tıesili. Osy úsh megapolıste 8,8 mln sharshy metr turǵyn úı salynǵan. Degenmen dál osy qalalarda ınfraqurylymdyq júkteme kúsheıip otyr – mektep, aýrýhana, ınjenerlik jeliler men kólik júıesine túsetin salmaq artyp jatyr. Bul jaǵdaı qurylys qarqynyn tejeıtin faktorǵa aınalyp otyr.
Qurylys quny qymbattady
Ulttyq statıstıka bıýrosynyń málimetinshe, ótken jyly bir sharshy metr turǵyn úı salýǵa jumsalǵan ortasha shyǵyn 222,1 myń teńgeni quraǵan. Bul – 2024 jylmen salystyrǵanda 8,6%-ǵa joǵary. Qurylys materıaldarynyń qymbattaýy, keıbir ónimderdiń tapshylyǵy jáne ımport úlesiniń artýy ózindik qunǵa áser etti.
Mysaly, «Stroıtelnaıa ınformasııa» kompanııasynyń taldaýyna sáıkes, qurǵaq qurylys qospalary segmentinde otandyq ónim úlesi 92%-dan 88%-ǵa deıin tómendegen. Sýemýlsııaly boıaýlar naryǵynda da jergilikti óndirýshiler úlesi 88%-dan 82%-ǵa qysqarǵan.
О́ndiris kólemi de árkelki. Qurǵaq qurylys qospalarynyń shyǵarylymy shamamen 1,3 mln tonnany qurap, nebári 2,1%-ǵa artqan. Gıps óndirisi 5,6%-ǵa, gıpsokarton 4,3%-ǵa artqan. Al boıaý jumystaryna arnalǵan shpatlıovka óndirisi 6,5%-ǵa azaıǵan.
Qonaevta káriz-tazartý júıesiniń qurylysyna qansha qarjy jumsalady?
Boljam jáne óńirlik báseke
Alina Group holdınginiń boljamynsha, 2026-2029 jyldary Qazaqstanda turǵyn úıdi paıdalanýǵa berý kólemi 18-19 mln sharshy metr deńgeıinde turaqtap, ósim nóldik deńgeıge jaqyndaıdy. Sarapshylar О́zbekstan qurylys qarqyny boıynsha 2028 jylǵa qaraı Qazaqstannyń kórsetkish deńgeıine jetýi múmkin ekenin aıtady. Al Qyrǵyzstan naryǵy 2000 jyldardyń basyndaǵy Qazaqstan kezeńin eske salady – bul iri developerler úshin jańa múmkindik.
Alina Group – 36 jyldan beri qurǵaq qurylys qospalary men lak-boıaý ónimderin shyǵaryp kele jatqan jetekshi kompanııa. Holdıngtiń quramynda 19 óndiristik alań bar, naryqtaǵy úlesi 40%-dan asady. Kompanııa portfelinde keń tanymal AlinEX jáne Alina Paint brendteri bar.
Salalyq dıalog alańy
17 sáýirde Almatyda Alina Group bastamasymen ProForum Central Asia 2026 halyqaralyq konferensııasy ótedi. Is-sharany AlinEX brendi uıymdastyrady. Konferensııada otandyq jáne sheteldik sarapshylar 2026-2027 jyldarǵa arnalǵan trendter men boljamdardy talqylap, ekonomıkalyq qubylmalylyq jaǵdaıyndaǵy turaqty damý tetikterin usynady.
Qorytyndylaı aıtqanda, qurylys pen qurylys materıaldary naryǵy jańa kezeńge qadam basty. Salyqtyq ózgerister, baǵa qysymy jáne ınfraqurylymdyq shekteýler salanyń ósimin baıaýlatqanymen, sarapshylar bul ahýaldy jańa múmkindikterge jol ashatyn kezeń dep baǵalaıdy. Naryq oıynshylary úshin endigi basty mindet – táýekeldi tıimdi basqaryp, básekege qabilettilikti saqtap qalý.
Pavlodarda salyqtan jaltarǵan qurylys alpaýyttarynan 120 mln teńge óndirildi
