22 aqpannan bastap Qaraǵandy oblysynda aýa raıy kúrt nasharlap, qatty boran soǵyp, kóriný deńgeıi nólge jýyqtaǵan. Qaýipsizdik maqsatynda respýblıkalyq jáne oblystyq mańyzy bar barlyq avtojoldar ýaqytsha jabyldy.
Shekteýlerge baılanysty joldarda shamamen 500 jeńil kólik, 350-ge jýyq júk kóligi jáne 20-ǵa deıin avtobýs jınalyp qaldy. Jalpy alǵanda, jolda shamamen 2000 adam bolǵan. Eń aýyr jaǵdaı Qaraǵandy – Astana tas jolynda tirkeldi, munda shamamen 700 kólik qalyp qoıǵan.
23 aqpan kúni saǵat 14:00-den bastap patrýldik polısııa batalonynyń qyzmetkerleri kólikterdi súıemeldeýge kiristi. Aýa raıy jaqsarǵan saıyn Temirtaý – Astana baǵytyndaǵy qozǵalys polısııa baqylaýymen qaıta jandandy.
Polısııa departamenti qolaısyz aýa raıy jaǵdaıynda kez kelgen oılanbaı jasalǵan sapar – adamdardyń ómiri men densaýlyǵyna qaýip tóndirýi múmkin ekenin eskertti.
Shet aýdanynda jol qozǵalysy shektelip, 45 adam evakýasııalandy
