foto: Aqmola oblysy Polısııa departamenti
Aqmola oblysynyń densaýlyq saqtaý basqarmasy habarlaǵandaı, oqys oqıǵadan soń ol aýrýhanaǵa aýyr jaǵdaıda jetkizilgen.
«23 aqpan kúni tańerteń qyz ómirden ozdy. Ol kóptegen asa aýyr jaraqat aldy: bas súıektiń keń kólemdi synýy, bas súıektiń negizi jáne bet qańqasynyń zaqymdanýy, sondaı-aq aýyr ashyq bas-mı jaraqaty, aýyr dárejedegi travmatıkalyq shok. Medısınalyq boljam bastapqyda óte qolaısyz boldy, sebebi alynǵan jaraqattar ómirge úılespeıtin edi», dep habarlady densaýlyq saqtaý basqarmasy.
Oqıǵadan keıin óńirlik polısııa Býrabaı kýrorttyq aımaqtarynda shanalar men kvadrosıklderdi tekserýge kiristi. Bul kólikterdiń ıelerine tehnıka qoldaný erejelerin qatań saqtaý, qorǵaý quraldaryn paıdalaný jáne qaýipsizdik talaptaryn buzýmen jolaýshylardy tasymaldamaý kerektigi eskertildi.
Aıta keteıik, 14 aqpanda Býrabaı kentinde qarda júretin kólik qatysqan apat boldy. Saldarynan jolaýshy jaraqat alyp, medısınalyq mekemege jetkizildi. Júrgizýshi de dene jaraqatyn alǵan.
