El azamattaryna 1 qańtardan bastap árip pen sıfrdy erkin tańdaýǵa ruqsat berildi. Bul qyzmettiń quny 43 myń teńgeden sál asady. Kópshilik birdeı nemese aınadaı qaıtalanatyn sandardy, sondaı-aq óz aty-jóniniń bas áripterinen quralǵan kombınasııalardy tańdaǵan.
Ishki ister mınıstrliginiń málimetinshe, alǵashqy aıda 140 myńnan astam ótinim túsip, olardyń basym bóligi maquldanǵan.
Osylaısha, memlekettik bıýdjetke shamamen 6 mlrd teńge túsken. Qyzmetke degen joǵary suranys alǵashqy kúnderi arnaıy halyqqa qyzmet kórsetý ortalyqtarynda adam qarasyn kóbeıtip, kezek týǵyzdy. Keıin bul máseleni sheshý úshin qyzmet mobıldi qosymshaǵa engizilip, rásimdeý barysy edáýir jeńildetildi.
Mamandardyń aıtýynsha, jańa tetik júrgizýshilerge qolaılylyq berip qana qoımaı, qazyna kirisin arttyrýǵa da yqpal etken.
Endi kólik nómirine mobıldi qosymsha arqyly tapsyrys berýge bolady
