Foto: Ashyq derekkóz
Tipti Eınshteın de kúmándanǵan...
Eń qyzyǵy – álem halqynyń shamamen 70%-y ómirinde kem degende bir ret osy sezimdi bastan keshiredi. Tipti uly ǵalym Albert Eınshteınniń ózi de óz eńbegine kúmánmen qaraǵanyn aıtqan. Bul sındromnyń negizgi belgileri perfeksıonızmnen bastalady: adam kez kelgen isti minsiz oryndaýǵa tyrysyp, kishkentaı qateligi úshin ózin qatty kinálaıdy. О́z jetistigin joqqa shyǵaryp, «jaı ǵana jolym boldy» dep qabyldaıdy. Synnan qorqyp, ár eskertýdi óz biliksizdiginiń dáleli retinde kóredi. Keıbireýler bul sezimdi jasyrý úshin demalyssyz jumys istep, ózin ábden tıtyqtatady.
Əleýmettik jeliler jəne psıhıka: Sıfrlyq depressııadan qalaı saqtaný kerek?
Bul ishki qursaýdan shyǵý úshin mynadaı qadamdar jasaý mańyzdy:
-
Sezimińizdi moıyndańyz. Ishińizdegi qorqynyshty senimdi adammen nemese áriptesińizben bólisińiz. Daýystap aıtylǵan kúmán óz kúshin joǵalta bastaıdy.
-
«Jetistikter jýrnalyn» júrgizińiz. Emosııaǵa emes, naqty faktilerge súıenińiz: qandaı jobalardy aıaqtadyńyz, qandaı qıyndyqtardy eńserdińiz – bárin jazyp otyryńyz.
-
Qatelikke quqyq berińiz. Qatelikti álsizdik emes, tájirıbe retinde qabyldańyz. Kásibı maman bolý – qatelespeý emes, qatelikten sabaq alyp, ári qaraı damý.
-
Salystyrýdy toqtatyńyz. Biz kóbine óz ishki kúmánimizdi basqa adamdardyń áleýmettik jelidegi «jyltyr» jetistikterimen salystyramyz. Bul – ádiletsiz salystyrý. Ár adamnyń óz joly, óz qıyndyǵy bar.
-
Oılaý formýlańyzdy ózgertińiz. «Men muny bilmeımin» deýdiń ornyna «Men muny áli meńgerip jatyrmyn» dep aıtýdy úırenińiz.
О́z qabiletińizge kúmándaný – sizdiń sanaly ári jaýapkershiligi joǵary adam ekenińizdiń belgisi. О́ıtkeni naǵyz bilimsizder ózderine eshqashan kúmán keltirmeıdi. Esińizde bolsyn: siz búgin turǵan jerińizge kezdeısoq kelgen joqsyz. Siz munda óz eńbegińizben jettińiz.
Malıka TOQTARBEKOVA,
EUÝ stýdenti
