Premer-mınıstrdiń orynbasary Memleket basshysy áleýmettik salaǵa erekshe kóńil bóletinin atap ótti. Azamattardyń jaǵdaıy men eldiń turaqty damýy jańa Konstıtýsııa jobasynyń negizgi ózegine aınalǵany aıtyldy.
Otyrysta basty máselelerdiń biri halyqty jumyspen qamtý taqyryby boldy. 2025 jyldyń qorytyndysy boıynsha elde 2,9 mln sapaly jumys orny saqtaldy. 2026 jyly óńirlik jumyspen qamtý kartalary aıasynda 547,7 myń adamdy jumysqa ornalastyrý josparlanyp otyr.
Jıynda jumys ornyndaǵy adam qaýipsizdigi men qorǵalýy da qaraldy.
«Sıfrlandyrý jaǵdaıynda yńǵaıly ári túsinikti kommýnıkasııa quraldaryn engizý mańyzdy», dep esepteıdi Aıda Balaeva.
Sonymen qatar, taraptardyń kepildikterin, quqyqtary men mindetterin aıqyndaıtyn eńbek shartyn ázirleý tapsyryldy.
Vedomstvonyń basym mindetteriniń biri – múgedektigi bar adamdardy keshendi áleýmettik qorǵaý. Olardy jumyspen qamtý tásilderin jetildirý, tehnıkalyq qajet quraldarymen qamtamasyz etý jáne ınfraqurylym nysandarynyń qoljetimdiligin arttyrý máseleleri ózekti ekeni aıtyldy. Sondaı-aq, múgedektigi bar balalardy damytý men áleýmettendirýge erekshe nazar aýdaryldy.
Múgedektikti taǵaıyndaý rásiminiń ashyqtyǵyn qamtamasyz etý maqsatynda Premer-mınıstrdiń orynbasary Densaýlyq saqtaý mınıstrligi men Eńbek jáne halyqty áleýmettik qorǵaý mınıstrliginiń aqparattyq júıelerin biriktirýdi tapsyrdy. Memleket basshysy jarııalaǵan «Sıfrlandyrý jáne jasandy ıntellekt jyly» aıasynda mınıstrlik aldynda áleýmettik-eńbek salasyn tehnologııalyq turǵyda jańǵyrtý boıynsha aýqymdy mindet turǵany sóz etildi.
Jambyl oblysynyń kóktemgi egin egý jumystaryna daıyndyǵy qalaı?
Otyrysta mınıstr Asqarbek Ertaev baıandama jasap, vedomstvo jumysynyń nátıjelerin qorytyndylap, aldaǵy kezeńge arnalǵan negizgi mindetterdi belgiledi.
Qaraǵandy – Jezqazǵan trassasynda rekonstrýksııa jumystary bastalady
