Jańarǵan ǵımarattyń ashylý saltanatyna Tótenshe jaǵdaılar mınıstri Shyńǵys Árinov, oblys ákiminiń orynbasary Altaı Áli jáne oblystyq TJD bastyǵy Arman Toqanov qatysty.
Vedomstvo basshysy órt sóndirý bólimshelerin jańǵyrtý jumystary qyzmetkerlerge zamanaýı jaǵdaı jasaýǵa jáne halyqtyń qaýipsizdik deńgeıin arttyrýǵa baǵyttalǵanyn atap ótti.
1987 jyly salynǵan bólimshe ǵımaraty shamamen 40 jyl ótken soń alǵash ret kúrdeli jóndeýden ótti. Ǵımarat pen qyzmettik úı-jaılar tolyq jańartylyp, ınjenerlik jeliler men tirshilikti qamtamasyz etý júıeleri zamanaýı qaýipsizdik talaptaryna sáıkestendirildi.
Bólimshede gaz-tútinnen qorǵaý qyzmetiniń beketi, oqý synyby, zamanaýı turmystyq bólmeler, demalys aımaǵy jáne tehnıkaǵa arnalǵan bokstar jabdyqtalǵan. Sonymen qatar jeke quramnyń dene daıarlyǵyn shyńdaýǵa arnalǵan zamanaýı talaptarǵa saı Batyr team sport zaly qarastyrylǵan.
Ashylý rásimi aıasynda oblystyq TJD qyzmetkerlerine jańa órt sóndirý-qutqarý tehnıkasynyń kiltteri tabystaldy.
Aıta keteıik, 2025 jyly bólim qyzmetkerleri 43 órt oqıǵasyna jáne 80 janý deregine jedel áreket etip, 10 adamdy qutqardy. Qazirgi tańda bólimde 22 qyzmetker eńbek etip jatyr.
