Sot otyrysynda sottalǵandardyń advokattary men qoǵamdyq qorǵaýshylary úkimdi tym qatań dep sanap, ony qaıta qarap, ómir boıǵy jazany belgili bir merzimge bas bostandyǵynan aıyrýmen almastyrýdy suraǵan.
Apellıasııalyq saty qoǵamda úlken rezonans týdyrǵan qylmystyq is boıynsha materıaldar men taraptardyń ýájderin zerdelep, qaýly shyǵardy. Atyraý oblystyq sotynyń qylmystyq ister jónindegi sot alqasynyń tóraıymy Tátti Ýálıeva Rızýan Qaıyrjanov pen Altynbek Qatımovke qatysty úkim ózgerissiz qaldyrylǵanyn, apellıasııalyq shaǵymdar qanaǵattandyrýsyz qalǵanyn habarlady. Eki sottalýshy da ómir boıyna bas bostandyǵynan aıyrý jazasyn óteıdi.
«Olar meniń jalǵyz balamdy óltirdi, onymen birge meni de óltirdi. Sol kúnnen beri men ómir súrip jatqan joqpyn, tek tirshilik etip kelemin», dedi búgingi sot otyrysynda Galına Legkodımova.
Iаna Legkodımovanyń ólimine qatysty úkim: Sottalǵandar apellıasııalyq shaǵym túsirdi
Atyraý turǵyny Iаna Legkodımovany óltirý týraly atyshýly qylmystyq is boıynsha sot prosesi 2025 jylǵy 18 qyrkúıekte bastalyp, shamamen eki aıǵa sozyldy. Is materıaldary 24 tomnan turǵan.
Iаna Legkodımova isi: Aıyptalýshylar ómir boıyna bas bostandyǵynan aıyryldy
