Uchet.kz málimetinshe, tekserý júrgizý negizderi biriktirilip, qysqartyldy. Tekserý merzimin uzartý kezeńi de qysqardy: qurylymdyq bólimsheleri joq zańdy tulǵalar men jeke kásipkerler úshin – 10 jumys kúnine deıin, al qurylymdyq bólimsheleri bar zańdy tulǵalar úshin – 20 jumys kúnine deıin.
Salyqtyq tekserý aıaqtalǵanǵa deıin talap qoıý merzimin uzartý tártibi naqty reglamentteldi. Tekserý qujattaryn, nusqamadan basqa, veb-portal arqyly elektrondy túrde tabystaý qarastyrylǵan. Sonymen birge salyq tóleýshi nusqamaǵa shaǵym túsirgen kezeńde tekserýdi toqtata turý normasy alynyp tastaldy.
Budan bólek, salyq júktemesi koeffısıenti tıisti qyzmet túri jáne óńir boıynsha belgilengen joǵarǵy kórsetkishtiń keminde 90 paıyzyna teń nemese odan joǵary salyq tóleýshilerge qatysty keshendi salyqtyq tekserýler júrgizý quqyǵy shekteldi.
Bul shekteýler myna jaǵdaılarda qoldanylmaıdy:
– salyq tóleýshiniń ózi ótinish jasaǵan kezde;
– Qazaqstan Respýblıkasynyń Qylmystyq-prosestik kodeksinde kózdelgen negizder bolǵan jaǵdaıda;
– prokýratýra organdarynyń talaptary boıynsha.
Sondaı-aq mıkro jáne shaǵyn kásipkerlik sýbektilerine tekserý júrgizý barysynda qujattardy usyný týraly talapty eki retten artyq tapsyrýǵa shekteý qoıyldy. Qujattardy usyný talabynyń oryndalý merzimi 10 jumys kúnine deıin qysqartyldy.
Jańa ózgerister salyqtyq ákimshilendirýdi jetildirýge jáne bıznesti negizsiz ákimshilik júktemeden qorǵaýǵa baǵyttalǵan.
Shymkentte kreatıvti ındýstrııadan túsken salyq kólemi 500 mln teńgege artty
