Mánerlep syrǵanaýshylardy jankúıerlerinen basqa, Týrızm jáne sport mınıstri men Qazaqstan Ulttyq Olımpıada komıtetiniń prezıdenti Gennadıı Golovkın kútip aldy.
Sportshylar 24 aqpannan 25 aqpanǵa qaraǵan túnde Astanaǵa keldi. Olar elge oralǵan sátte merekelik kóńil-kúı syılaǵan barsha qoldaýshylaryna alǵys bildirdi.
«Olımpıadada týymyz bıikte jelbiregende kókeıimdi maqtanysh sezimi kernedi. Qoldaý kórsetken barshyńyzǵa úlken alǵys. Bul maǵan elimdi ári qaraı da maqtan etýge úlken jiger beredi», dedi Mıhaıl Shaıdorov.
Elge oralǵan boıda sportshylarǵa sponsorlar tarapynan páter kiltteri tabystaldy. Mıhaıl Shaıdorovqa úsh bólmeli páter berilse, Sofıa Samodelkına men jattyqtyrýshysyna bir bólmeli páter syıǵa tartyldy.
Olımpıada oıyndarynyń jabylý saltanatynda Qazaqstan týyn Mıhaıl Shaıdorov alyp shyqty
Bul kezdesý elde sportqa degen súıispenshilikti arttyryp, jas sportshylarǵa shabyt beretin mańyzdy sát boldy.
