Oblystyq densaýlyq saqtaý basqarmasynyń deregine qaraǵanda, úshemniń áke-sheshesi Maqat aýdanynda turady. Úsh burymdyny júktiliktiń 35-aptasynda bosanǵan.
– Ata-ana úshin de, medısına salasyndaǵy qyzmetkerler úshin de úshemniń ómirge kelýi – erekshe oqıǵa. Alaıda Atyraý oblysynda úshem sırek kezdesedi. Bıylǵy úshemniń ata-anasy burynnan eki qyz, bir ul tárbıelep otyr. Dúnıe esigin endi ashqan nárestelerin Qymbat, Symbat, Qaraqat esimimen atady. Úshemniń salmaǵy birdeı emes. Biri – 1 921, ekinshisi – 2 275, al úshinshisi – 2 204 gramm. Boılary 44–45 sm aralyǵyn qurady, – dep habarlady basqarma basshysynyń orynbasary Álııa Janǵalıeva.
Úshemniń anasy Áselhan Keńesovanyń aıtýynsha, óziniń de, kúıeýiniń de áýletinde egizder bolǵan. Dárigerler úshemniń ómirge keletinin aldyn ala eskertipti.
– Bul habardy estigende qýandyq ári qobaljydyq. Degenmen bir kúnde kópbalaly otbasy atandyq. Dárigerler úshemniń aman-esen ómirge kelýine jan-jaqty qoldaý kórsetti, – deıdi Á.Keńesova.
Atyraý oblysy
