Qujat eńbek kóshi-qony aıasynda ǵylymı ataqtardy tikeleı moıyndaýdy qarastyrady. Bul ǵylymı dárejesi bar azamattarǵa Odaqqa múshe basqa elderde óz biliktiligine sáıkes jumys isteýge múmkindik beredi. Eger jumysqa ornalasatyn memlekette saraptama qorytyndysy boıynsha teris sheshim qabyldanbaǵan bolsa, kelisim kúshine engenge deıin berilgen qujattar da resmı túrde tanylady.
Endi kelisim ratıfıkasııalaý rásiminen ótý úshin EAEO elderine joldanady. Barlyq qajetti rásimder aıaqtalǵan soń qujat kúshine enedi.
Sonymen qatar otyrysta EAEO elderiniń zııatkerlik kólik júıeleriniń ózara is-qımylyn jetildirý tujyrymdamasyn iske asyrýǵa arnalǵan jol kartasy bekitildi. Bıyl bazalyq aqparattyq servısterdi aıqyndaý, derekter almasý formaty boıynsha usynystar ázirleý jáne tıisti quqyqtyq negiz qalyptastyrý josparlanǵan.
Keńes qorytyndysy boıynsha EAEO kedendik aýmaǵynda veterınarııalyq dárilik zattardyń aınalymyn retteý qaǵıdalarynyń jekelegen normalaryn naqtylaý jáne tehnıkalyq reglamentterdi ázirleý josparyn ózektendirý týraly sheshim qabyldandy.
Prezıdent Azııa-Tynyq muhıty óńirlik konvensııasyn ratıfıkasııalaý týraly zańǵa qol qoıdy
Aıta keteıik, 2026 jyly EEK Keńesine Qazaqstan tóraǵalyq etedi. Keńesti Premer-mınıstrdiń orynbasary – Ulttyq ekonomıka mınıstri Serik Jumanǵarın basqarady.
