Depýtat koalısııa múshesi retinde birneshe óńirdi aralap qaıtqanyn aıtyp, 30 jylda Konstıtýsııanyń qansha ózgertýler men tolyqtyrýlardy bastan keshirgenin biletin kóptegen zańgerler Ata zańnyń jańadan qabyldanýyn qoldap otyrǵanyn jetkizdi.
Ol jekelegen azamattar tarapynan, «halyqtyń bilim alý, dáriger kómegine júginý sııaqty áleýmettik suranysy, endi tek aqyly túrde bolady-mys» degen aqparttyń shyndyqqa janaspaıtynyn aıtty.
«Qazaqstan áleýmettik memleket bolǵan jáne bola da beredi. Bul jańa Konstıtýsııa jobasynda da shegelep jazylǵan. Onyń aıqyn kórinisi – memlekettik bıýdjettiń shamamen 40%-y áleýmettik salaǵa baǵyttalatyndyǵy. Sonymen qatar, Ata zańnyń 1-baby «Memlekettiń eń joǵary qundylyǵy – adam, onyń ómiri, quqyqtary men bostandyqtary» dep aıqyndaıdy. Jańa Konstıtýsııa jobasynda, bul qyzmetter de aqy tólemeı alatyn qyzmet dep anyq jazylǵan, sáıkesinshe densaýlyq saqtaý men bilim berý salasynda azamattardyń múmkindikteri odan saıyn keńeıedi dep aıta alamyz. Bul qyzmetter aqysyz dep aıtylǵanymen, olar árdaıym memlekettik bıýdjet esebinen qarjylandyrylyp keldi jáne bolashaqta da solaı bolady», dedi Ashat Aımaǵambetov.
Sarapshylar jańa Konstıtýsııa jobasyn qabyldaý perspektıvalaryn talqylady
Sondaı-aq ol qoldanystaǵy Konstıtýsııada jazylǵan, «memlekettik» joǵary oqý oryndary degen sózdi alyp tastaý usynylǵany durys sheshim ekenin atap ótti.
«О́ıtkeni búgingi tańda memlekettik granttar arqyly, stýdentter tek memlekettik qana emes, jekemenshik joǵary oqý oryndarynda tegin joǵary bilim ala alady. KIMEP, Maqsut Nárikbaev Ýnıversıteti, Turan sııaqty ýnıversıtetter jeke menshik bolsa da, grantty utyp alǵan stýdentterimizde sol ýnıversıtetterde de grantpen oqýǵa múmkindikteri bolýy tıis», dedi depýtat.
«AMANAT» partııasy fraksııasynyń múshesi qoǵamda jıi aıtylyp júrgen sóz bostandyǵy da jańa Konstıtýsııa jobasynda aıqyn bekitilgenin atap ótti. Sonymen qatar Ashat Aımaǵambetov daýly taqyrypqa aınalǵan arnaıy quqyqtyq rejım engizý (5-bap, 6-tarmaq) taqyryby áli de túrli suraq týdyryp jatqanyna toqtaldy.
Sarapshylar Jańa Konstıtýsııa jobasyn talqylady
«Bul turǵyda Qazaqstannyń egemendigi men táýelsizdigi, onyń aýmaqtyq tutastyǵy – myzǵymas ári eń basty qundylyq ekenin biz qoǵamdyq ortada jalyqpaı aıtýymyz kerek. Arnaıy quqyqtyq rejımderdi Konstıtýsııa deńgeıinde bekitý – eldiń ekonomıkalyq egemendigin kúsheıtýge baǵyttalǵan qadam. Munda memlekettiń ýnıtarlyǵy jáne de memlekettiń tolyq baqylaýy saqtalady. Biz tipti qazir, ǵylymı qalashyqtar týraly arnaıy zań jobasyn qarap jatyrmyz. Sol qalalarda da arnaıy ortany qalyptastyrý, ǵylymdy damytý boıynsha jaǵdaı jasaý týraly usynystardy berdik. Jalpy, bul júıe, ınvestorlarǵa zamanaýı jumys oryndaryn qurý, qolaıly kólik jelisin damytý jáne ınjenerlik ınfraqurylymdy salý mindetin júkteıdi. Iаǵnı ol óz kezeginde, tıisti óńirlerde, halyqtyń ómir sapasynyń tikeleı jaqsarýyna ákeledi. Arnaıy rejım – iri jobalar úshin tehnıkalyq kepildik. Alataý qalasy nemese Astana qarjy ortalyǵy deńgeıindegi jobalar, uzaq merzimdi jáne aýqymdy ınvestısııalardy talap etedi», dedi depýtat.
Baqytgúl Qambar: Jańa Konstıtýsııa halyqaralyq normalarǵa tolyq sáıkes keledi
Sóz sońynda májilismen jańa Konstıtýsııada – zaman talabyna jaýap beretin, progressıvti qoǵamnyń suranysyna saı keletin, halyqtyń ál-aýqatyn arttyrýǵa baǵyttalǵan mańyzdy normalar qarastyrylǵanyn aıtty.
