Foto: Ishki ister mınıstrliginiń baspasóz qyzmeti
Qyzmet úderisin ońtaılandyrǵan sheshim
Jańa sıfrlyq resýrs áskerı bólimniń birqatar qyzmettik úderisterin avtomattandyryp, ýaqyt shyǵynyn edáýir qysqartýǵa múmkindik berdi. Buǵan deıin negizinen saptyq alańda aýyzsha jetkiziletin mańyzdy málimetter endi portal arqyly jedel jarııalanady.
Nátıjesinde qujat aınalymy jeńildep, buıryqtar der kezinde jańartylyp, aqparattyń ózektiligi qamtamasyz etildi. Bul bólimniń ishki baılanys júıesin jetildirip, basqarý tıimdiligin arttyrdy.
Otardaǵy sarbaz oqıǵasy: Áskerı bólimniń 4 laýazymdy tulǵasy qyzmetinen bosatyldy
Joba avtory – Almaty qalasynyń týmasy, qatardaǵy sarbaz Kım Hıon Ý. Ol «Aqparattyq tehnologııalar» mamandyǵy boıynsha bilim alǵan. Azamattyq salada meńgergen bilimi men tájirıbesin áskerı qyzmet barysynda kádege jaratyp otyr.
Sıfrlyq tehnologııalarǵa qyzyǵýshylyǵy ony áskerı bólimniń ishki jumysyn jetildirý isine belsendi aralasýǵa jeteledi. Aǵa ofıserlerdiń jetekshiligimen bólim qyzmetine jan-jaqty taldaý jasalyp, sıfrlandyrýdy qajet etetin negizgi baǵyttar aıqyndaldy. Sonyń ishinde aqparat almasý tetikterin jańǵyrtý máselesi aldyńǵy kezekke shyqty.
Kım Hıon Ý aldaǵy ýaqytta «Sarbaz 2.0» baǵdarlamasy aıasynda bilim berý grantyn jeńip alyp, kásibı biliktiligin odan ári arttyrýdy josparlap otyr.
Sıfrlyq orta qalyptastyrý – basty maqsat
Joba aıasynda áskerı bólimniń psıhologııalyq qyzmetine de jańashyldyq engizildi. Merzimdi áskerı qyzmetshilerdiń testileý nátıjelerin avtomatty túrde óńdeıtin algorıtm ázirlendi.
Áskerı psıhologtardyń málimetinshe, osy sıfrlyq sheshimniń arqasynda alty aı ishinde shamamen 500 jumys saǵaty únemdelgen. Bul mamandardyń ýaqytyn tıimdi paıdalanyp, jeke qurammen tikeleı jumys isteýge kóbirek kóńil bólýine jol ashty.
«Ásker men úshin úlken tájirıbe mektebine aınaldy. 5573 áskerı bóliminde merzimdi áskerı qyzmetshilerdiń jan-jaqty damýyna barlyq jaǵdaı jasalǵan. Tártip pen joǵary talaptar ózin-ózi jetildirýge múmkindik beredi. Áskerı qyzmet kezeńin tıimdi paıdalanyp, jańa kásibı daǵdylardy meńgerýdi maqsat etip otyrmyn», deıdi sarbaz.
Aldaǵy ýaqytta Kım Hıon Ý áskerı bólimniń jaýyngerlik qyzmetin uıymdastyrý úderisterin jetildirýge baǵyttalǵan jańa sıfrlyq sheshimderdi engizýdi kózdeıdi. Onyń basty maqsaty – qyzmet tıimdiligin arttyrý jáne áskerı qyzmetshiler úshin zamanaýı, qolaıly sıfrlyq orta qalyptastyrý.
Bul bastama – Ulttyq ulan sapyndaǵy jas sarbazdardyń da el damýynyń strategııalyq baǵyttaryna úles qosa alatynyn aıqyn dáleldeıtin jarqyn mysal.
Qashyqtan barlaý, jaýynger qaýipsizdigi: Zamanaýı áskerı tehnıkany meńgerýdiń mańyzy qandaı?
