Jýyrda oblys ortalyǵynan 270 shaqyrymdaı qashyqta jatqan Kókpekti aýdanynan bir top mektep oqýshysy ustazdarymen birge Semeıge jolǵa shyǵady. Oqýshylardyń oıǵa alyp shyqqan maqsaty – el júregi Astana tórinde ótetin «Alem Tech Fest–2026» Azııa chempıonatyna qatysý edi. Robototehnıka salasynda baq synaıtyn jas ónertapqyshtar úshin bul – jaı sapar emes, armanǵa bastar asqaq jol-tuǵyn. Alaıda qystyń qıǵylyǵy men qıyrlyǵy kóp kúre jol jolaýshylardy dittegen jerge dál ýaqytynda jetkermeı dinkeletken kórinedi. Sóıtip aqpannyń aq tútek borany jospardy ózgertip jiberdi. Aýa raıynyń qubylýyna qaraı joldar jabyldy. Jolaýshylar О́skemen arqyly aınalma baǵytpen júrýge májbúr boldy. Ýaqyt tyǵyz. Poıyz kestesi eshkimge táýeldi emes. Qoldarynda – 28 bılet. Biraq 10-15 mınýt keshigý qaýpi týyndaǵan.
Osy sátte ustazdar aqyldasa kelip, tosyn sheshim shyǵarady. Vokzaldyń anyqtama bólimine habarlasqan olar jaǵdaıdy aıtyp, mán-jaıdy túsindiredi. Jolaýshylardyń kelip-ketý kestesin jeti ólshep, bir kesetin vokzal basshylyǵy tyǵyryqqa tireledi. Aqyry Semeı vokzaly bastyǵynyń ókili Zámzagúl Kárimova bólimshe kezekshisimen sóılesip, jolaýshylardy kútý múmkindigin qarastyrady. Vokzal qyzmetkerleri táýekelge baryp, poıyzdy toqtatyp, balalardy kúttirýge týra keledi. Osylaısha №37 «Semeı – Mańǵystaý» poıyzynyń tizgin qańtaryp qoıǵanyna 10 mınýt asady. Bógelip tuǵan otarbanyń ózi de, jaıǵasyp abyr-sabyry basylǵan júrginshiler de ań-tań. Mehanıkalyq qozǵalysqa ábden beıim fýnktýal júrginshilerdiń qyńqyl-syńqyly kóbeıip, keıbir kezde jolaýshylar: «ıapyr-aý mynaýyń sýyqsyrap, ot almaı tur ma, nege qozǵalmaıdy, túge» dep baıbalam bastala bergende, 13 mınýt bolǵan poıyzdyń kútip turǵanyna. Osy kezde qyzyl tanaý bolǵan shúpirlegen oqýshylar da perronǵa jetip úlgerdi.
8 naýryz merekesine oraı poıyzdarǵa qosymsha vagondar qosyldy
Qarly borandy jaryp jetken oqýshylardy 15-vagon aldynda Zámzagúl Kárimova men vokzal kezekshisi Qundyz Jantemirova hanym qarsy aldy. Sol sátte perrondaǵy salqyn aýada bir erekshe jylylyq sezildi deıdi qýanǵan ustazdar. Tipti keıbir kóńilshek ustazdar qýanysh pen adamı jylylyqqa eriksiz jylyp ta alǵan kórinedi. О́ıtkeni keıde jolǵa úlgerý – tek logıstıka ǵana emes, ol da bir jeńis sekildi seziletini bar ǵoı. Al shalǵaı aýyldan shyqqan balalardyń shattyǵynda shek joq. Kýpelerine kóńildi jaıǵasqan.
Árıne, mundaı sheshim arnaıy hattamamen rásimdeledi. Temirjol tártibi qatań. Desek te tártiptiń ózeginde adamı jaǵdaıy turýy zańdylyq. Temir de, tersek te adam ıgili úshin. Bul joly solaı boldy da. Endi osyndaı jaǵdaıda úlken dodaǵa atanǵan oqýshylardyń ıyǵyndaǵy jaýapkershilik salmaǵy arta tústi. Biraq olar shynymen de el senimin aqtap, óńir jurtshylyǵyn qýanyshqa bóledi.
Jolaýshylarǵa eskertý: Poıyzda qandaı áreketterge tyıym salynady?
Astanaǵa jetken jas robototehnıkter Azııa chempıonatynda júldeli oryn alyp oraldy. Jeńis qýanyshy elge jetkende: «Bul jeńisti Semeı vokzaly qyzmetkerlerine arnaımyz. Solardyń arqasynda álemdik dodaǵa qatysa aldyq», dep aǵynan jarylyp, áleýmettik jelige aq jarma tilikterin jaýdyrdy ustazdar. Rasynda, balalar poıyzdy toqtatqan joq, olardy óz armandary tosyp turǵan edi.
Mine, tańǵy 7-den 20 mınýt ótti. Men vokzalda bolǵan oqıǵany sol jerde, kútý zalynda qolma-qol túsirip boldym da perronǵa shyqtym. Baǵyt: Semeı – Aıagóz. 22 mınýt ketkende poıyz qozǵalý kerek-tuǵyn. Poıyz 10 mınýt keshigip toqtady. Otarbaev aǵamsha oılandym: «bul keshigip jetken poıyz búgin kimdi qýantty, kimdi muńaıtty eken...» dep.
Semeı
