Foto: Ashyq derekkóz
Zeınetaqy aktıvteriniń jekelegen qysqa kezeńderdegi tabystylyǵy uzaq merzimdi basqarý tıimdiligin tolyq sıpattaı almaıdy. Kiristilik deńgeıi qarjy quraldarynyń naryqtyq qunyna, valıýta baǵamdarynyń aýytqýyna jáne ózge de syrtqy faktorlarǵa táýeldi. Sondyqtan ınvestısııalyq tabysty uzaq merzimdi turǵyda baǵalaý oryndy.
Osy rette orta jáne uzaq merzimde zeınetaqy jınaqtarynyń oń naqty kiristiligi, ıaǵnı ınflıasııadan joǵary tabys qamtamasyz etilip keledi. 1998 jyly jınaqtaýshy zeınetaqy júıesi qurylǵannan beri 2026 jylǵy 1 aqpandaǵy jaǵdaı boıynsha jınaqtalǵan ınvestısııalyq kiristilik 1 173,15% bolsa, osy kezeńdegi ınflıasııa 952,32% deńgeıinde qalyptasty.
2026 jylǵy 1 aqpandaǵy derekke sáıkes, 2014 jyly zeınetaqy aktıvteri Biryńǵaı jınaqtaýshy zeınetaqy qoryna biriktirilgennen beri jınaqtalǵan taza ınvestısııalyq kiris 13,99 trln teńgege jetti. Bul soma tólemderdi eskergendegi zeınetaqy jınaqtarynyń jalpy kóleminiń 41,5%-yn quraıdy. Iаǵnı ınvestısııalyq qyzmet salymshylar qarajatyn kóbeıtýdiń mańyzdy tetigine aınalyp otyr.
El turǵyndary baspana men emdelý baǵytynda BJZQ-dan qansha trln teńge aldy?
Salymshylar óz zeınetaqy aktıvteriniń bir bóligin jeke ınvestısııalyq portfeldi basqarýshylarǵa (IPB) senip tapsyrýǵa quqyly. Atap aıtqanda, mindetti zeınetaqy jarnalary esebinen jınaqtardyń 50%-na deıin, al erikti zeınetaqy jarnalary esebinen 100%-na deıin aýdarýǵa múmkindik bar.
Ulttyq banktiń basqarý tásili uzaq merzimdi saqtalym men turaqty tabysqa baǵyttalǵan barynsha konservatıvti saıasatqa negizdelse, IPB-lardyń ınvestısııalyq deklarasııalary kiristilikti arttyrýǵa arnalǵan keńirek múmkindikter usynady. Alaıda bul baǵyttaǵy táýekel deńgeıi de joǵary ekenin eskergen jón.
Aıta keteıik, Qazaqstanda Ulttyq bank basqarýyndaǵy mindetti jáne mindetti kásiptik zeınetaqy jarnalarynyń ınflıasııa deńgeıin eskere otyryp saqtalýyna biregeı memlekettik kepildik berilgen. Eger salymshynyń tólem alý quqyǵy bastalǵan sátte jekelegen kezeńderdegi tabystylyq tómendep, jınaqtalǵan kiristilikke keri áser etse, aıyrmany óteý mindetin memleket óz moınyna alady.
