Paıdalanýshy júıege kez kelgen suraq qoıa alady. Máselen «Keshe jınalysta baǵa strategııasy boıynsha qandaı sheshim qabyldandy?» nemese «Dızaınerlermen sóılesken kezde qaraǵan grafıkti taýyp ber» degen suranystarǵa jasandy ıntellekt ekran tarıhyn taldaı otyryp naqty jaýap usynady. Bul ásirese onlaın kezdesýler kóbeıgen, qujat aınalymy kúrdelengen qazirgi jumys formatynda ýaqyt únemdeýge múmkindik beredi.
Kóp jaǵdaıda qyzmetkerler faıldardy izdeýge, jınalys barysynda aıtylǵan oılardy qaıta eske túsirýge nemese buryn qaralǵan materıaldardy tabýǵa edáýir ýaqyt joǵaltady eken. Al vızýaldy jad tehnologııasy osy úderisti avtomattandyryp, aqparatty este saqtaý mindetin adamnyń ózinen góri júıeniń moınyna júkteıdi.
Qaýipsizdik máselesine de erekshe nazar aýdarylǵan. Barlyq derekti óńdeý qurylǵynyń óz ishinde júzege asady, ıaǵnı aqparat bult serverlerine jiberilmeıdi. Bul paıdalanýshy derekteriniń qupııalyǵyn saqtaýǵa múmkindik beredi.
